បរទេស៖ អគ្គលេខាធិការរងនៃសមាគមបាល់ទាត់ហ្កាណា (GFA) លោក Emmanuel Dasoberi បានប្រកាសកាលពីថ្ងៃចន្ទថា លោកនឹងលាឈប់ពីមុខតំណែង បន្ទាប់ពីបំពេញការងារអស់រយៈពេល ១០ ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសវ័យ ៣៨ ឆ្នាំរូបនេះបាននិយាយនៅក្នុងបណ្តាញទំនាក់ទំនងសង្គមថា “ខ្ញុំបានបង្ហាញលិខិតលាលែងរបស់ខ្ញុំទៅកាន់អគ្គលេខាធិការនៃសមាគមកីឡាបាល់ទាត់ហ្កាណារួចហើយ។ ខ្ញុំបានបម្រើការឱ្យគណៈគ្រប់គ្រងកីឡាបាល់ទាត់ដ៏អស្ចារ្យមួយនេះអស់ពីសមត្ថភាពក្នុងរយៈពេល ១០ ឆ្នាំចុងក្រោយនេះ។ ប៉ុន្តែខ្ញុំជឿជាក់ថាវាដល់ពេលដែលខ្ញុំត្រូវបន្តទៅមុខជាមួយបញ្ហាប្រឈមនានាសម្រាប់ការប្រកួតប្រជែងថ្មី”។
លោក Dasoberi គឺជាអ្នកគ្រប់គ្រងអាជ្ញាប័ណ្ណសម្រាប់ FA និងជាអ្នកគ្រប់គ្រងនៅមជ្ឈមណ្ឌលបច្ចេកទេសរបស់សមាគមបាល់ទាត់។ គាត់ក៏ធ្លាប់ធ្វើជាលេខាធិការនៃគណៈកម្មាធិការវិន័យនិងគណៈកម្មការបណ្តឹងឧទ្ធរណ៍របស់ GFA ផងដែរ។
គួរឱ្យដឹងផងដែរថា GFA មិនទាន់បានឆ្លើយតបជាផ្លូវការចំពោះការលាលែងពីតំណែងជាអគ្គលេខាធិការរងរបស់លោក Dasoberi ដូចដែលត្រូវបានគេអះអាងនោះទេ៕
ប្រភព៖ ទីភ្នាក់ងារសារព័ត៌មានចិនស៊ីនហួរ