យល់ដឹង៖ ជាទូទៅក្អែកជាសត្វ ដែលរស់នៅកន្លែង ដែលត្រជាក់ហើយសើម វាជាសត្វមានពិស ហើយបើចៃដន្យ អ្នកត្រូវសត្វក្អែបទិច ពិសរបស់វានឹងអាចធ្វើឲ្យ ស្បែកបរិវេណនោះឡើងហើម ក្រហម ឈឺពើត អាចស្ពឹក និងមានអារម្មណ៍ ចុកចាប់ខ្លាំង។ សម្រាប់អ្នកខ្លះដែលចាញ់ សារជាតិពិសរបស់សត្វក្អែប អាចបង្កការគ្រុន រមូលពោះក្អួត និងបាក់កម្លាំងទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស*វិធីសង្ក្រោះបឋមពេលដែលសត្វក្អែបទិច
បើសិនត្រូវសត្វក្អែបខាំ បរិវេណដៃនិងជើង
ចាំបាច់ត្រូវព្យាយាម ដាក់សំយ៉ុងដៃចុះ ឱ្យបានទាបបំផុត។ ប៉ុន្តែបើក្នុងករណី
ដែលត្រូវខាំនៅត្រង់ ម្រាមដៃនិងម្រាមជើង ត្រូវរកខ្សែឬ ក្រណាត់ មកចងរុំត្រង់គន្លាក់ដៃ
ដើម្បីការពារសារជាតិ ពិសរីករាលដាល់ ទៅកាន់កន្លែងផ្សេងទៀត។
ក្រោយពីនោះ ត្រូវយកអាល់កុល ឬធ្វើការលាងសម្អាត ដោយទឹកក្បុងពី ផ្លែកន្ទឹមធ្វើការសម្អាតរោគ។ បន្ទាប់ពីនោះឱ្យធ្វើការ ស្អំទឹកត្រជាក់ ត្រង់បរិវេណដែលត្រូវខាំ ដើម្បីកាត់បន្ថយ នូវអាការៈហើមនិង លេបថ្នាំដើម្បីបំបាត់ អាការៈឈឺចាប់។ ដោយឡែក សម្រាប់ការព្យាបាលបឋម របស់អ្នកស្រុក តាមតំបន់ខ្លះ គេបានណែនាំឱ្យប្រើត្រង់កន្លែង ដែលសត្វក្អែបខាំនោះជូត ដោយទឹកខ្មេះឬ ប្រើជ័រល្ហុងខ្ចី ធ្វើការប៉ាតពីលើដើម្បី ជួយកាត់បន្ថយ អាការឈឺចាប់ មួយចំនួនទៅវិញ។
ទោះបីយ៉ាងណា ក្រោយពីធ្វើការបំបាត់ ដើម្បីកាត់បន្ថយ អាការឈឺចាប់ហើយ គប្បីប្រញាប់ទៅជួបគ្រូពេទ្យ ដើម្បីធ្វើការព្យាបាល បំបាត់អាការភ្លាម។ ចំពោះអ្នកខ្លះ ដែលបណ្តែតបណ្តោយ ទុកចោលអាចប្រឈម ជាមួយការឆ្លងមេរោគ ឈឺហើមមុខដំបៅមានខ្ទុះ បន្ទាប់មកសាច់កន្លែងនោះ នឹងងាប់រហូតដល់ថ្នាក់ ត្រូវកាត់ចោលក៏មានផងដែរ។ ក្នុងករណី បើអាការធ្ងន់ធ្ងរ គប្បីទៅរកគ្រូពេទ្យ ធ្វើការព្យាបាលបំបាត់ ទើបជាវិធីល្អបំផុត។
*វិធីការពារសត្វក្អែប វារចូលផ្ទះ
សត្វក្អែបវាចូលចិត្ត នៅទីកន្លែងមានសំណើម ដូចជាបន្ទប់ទឹក កន្លែងដាក់រ៉ូប៊ីណូទឹក ដុំឥដ្ឋ ។ល។ ដូច្នេះដើម្បីការពារ កុំឲ្យវាចូលក្នុងផ្ទះឬ កុំឲ្យវា វារចូលជិត មានវិធីងាយៗ ដូចខាងក្រោម ៖
I… វិធីការពារសត្វក្អែបមិនឲ្យចូលផ្ទះ ដោយវិធីធម្មជាតិ
១. ទឹកខ្មេះ ៖ ស្រួលរកទិញទេ ទិញទឹកខ្មេះយកមកលាយ ជាមួយទឹក រួចបាញ់វាតាមរបង ឬគែមផ្ទះ ។
២. ចិញ្ចឹមមាន់ ៖ ការចិញ្ចឹមមាន់ នៅក្នុងបរិវេណផ្ទះ ក៏ជួយបំបាត់សត្វក្អែប បានដែរ ព្រោះវាជាចំណីដ៏ឆ្ងាញ់ របស់សត្វមាន់ ។
៣. កំបោរ ៖ យកកំបោរទៅរោយ នៅបរិវេណមានសំណើម ព្រោះសត្វក្អែប ចូលចិត្តនៅកន្លែងនោះ បើសិនយើងរោយកំបោរ សត្វក្អែបមិនហ៊ាន ចូលមកនៅទេ តែបើវានៅស្រាប់ ក៏ត្រូវតែវារចេញ ពីកន្លែងនោះដែរ ។
៤. សាប៊ូ ៖ យកសាប៊ូដុំតូចៗ ទៅដាក់នៅមាត់លូ ឬ គែមបំពង់ទឹក ឬ មាត់ទ្វារបន្ទប់ទឹក នៅពេលសត្វក្អែប វារឡើងមកតាមបំពង់ មានសាប៊ូ វានឹងមិនហ៊ាន វារមកឡើយ ។
៥. សម្អាតផ្ទះឱ្យបានញឹកញាប់ ៖ គួរយកពេលវេលា ដើម្បីសម្អាតផ្ទះ ឲ្យមានរបៀបរៀបរយ អីវ៉ែអីវ៉ាន់ ត្រូវបោះចោល គួរតែបោះចោល ។ បើមានសួនមុខ ឬ ក្រោយផ្ទះ ត្រូវកាត់ស្មៅឲ្យខ្លី ស្លឹកឈើដែលធ្លាក់មក កុំទុកយូរ ប្រមូលដុតចោល ឬ ទុកធ្វើជី បើទុក នាំសត្វមានពិសជ្រកនៅ ។ សៀវភៅចាស់ៗ ឬរបស់របរផ្សេងៗ គួរទុកនៅកន្លែងដែល មានពន្លឺថ្ងៃចាំងចូល ព្រោះសត្វក្អែប និង សត្វមានពិស មិនចូលចិត្តពន្លឹថ្ងៃទេ ។
*វិធីការពារក្អែបចូលផ្ទះ ដោយវិធីប្រើសារធាតុគីមី
១. ថ្នាំសំលាប់សត្វល្អិត Stargle G ៖ ប្រភេទថ្នាំ សំលាប់សត្វល្អិត កសិករតែងតែយកទៅប្រើ ការពារដើមឈើហូបផ្លែ ពីសត្វល្អិតស៊ីផ្សេងៗ។ យើងយកវាទៅរោយ នៅជុំវិញផ្ទះ នោះសត្វក្អែប និង សត្វល្អិតផ្សេងៗ មិនហ៊ានចូលផ្ទះ ។
២. ប្រើថ្នាំកម្ចាត់សត្វក្អែប DAISO ៖ ថ្នាំនេះមានឈ្មោះDAISO ជាថ្នាំដុំៗ សម្រាប់កម្ចាត់សត្វក្អែប ដោយប្រអប់មានដាក់រូបក្អែប។ យើងយកវាទៅដាក់ នៅកន្លែងដែលសត្វក្អែបនៅ ដូចជារន្ធឥដ្ឋការ៉ូ ដែលបៀកស៊ីម៉ង់ត៍មិនជិត កន្លែងរ៉ូប៊ីណូទឹក។ល។
ប្រភព៖ Pegasuspest , Health