អង់គ្លេស៖ លោកគ្រូបង្វឹក Frank Lampard កំពុងតែមានសម្ពាធខ្លាំងពីសំណាក់អ្នកគាំទ្រ ក៏ដូចជាម្ចាស់ក្លិបផ្ទាល់ក្រោយចំណាយទុនធំទិញយកកីឡាករល្អៗមករួមក្រុមនៅរដូវក្ដៅនេះ។ ជាការពិតណាស់ចំណាយធំបែបនេះ ការរំពឹងមកវិញក៏ធំដូចគ្នា ពោលលោក Lampard ត្រូវធ្វើយ៉ាងណាខិតខំនាំយកជ័យជម្នះឲ្យបានច្រើនដល់ក្លិប។

ក្រុមកីឡាកររបស់ក្លិប Chelsea

ដោយឡែកនៅក្នុងការប្រកួតបើកឆាកនៃក្របខណ្ឌ Premier League រដូវកាលថ្មីយប់មិញនេះ ក្លិប Chelsea មិនបានធ្វើឲ្យអ្នកគាំទ្រខកចិត្តនោះទេ ពោលបានយកឈ្នះក្រៅដីទៅលើក្លិប Brighton ដោយលទ្ធផល១ទល់នឹង៣។

ការដួលក្នុងតំបន់គ្រោះថ្នាក់របស់កីឡាករ Timo Werner
  កីឡាករ Jorginho

កីឡាករចំណូលថ្មី Timo Werner ជាអ្នកបង្កើតឱកាសបាល់ប៉េណាលទីឲ្យកីឡាករ Jorginho ស៊ុតបានមួយគ្រាប់នាំមុខមុននៅនាទីទី២៣។ យ៉ាងណាមិញចូលដល់តង់ទី២ក្លិប Brighton ក៏មានឱកាសតាមបានស្មើវិញពីការស៊ុតលើដំបូលទូកផុតដៃអ្នកចាំទី Kepa ពីសំណាក់កីឡាករ Leandro Trossard នៅនាទីទី៥៤។ 

ការស៊ុតរបស់កីឡាករ Leandro Trossard

មិនបានប៉ុន្មាននាទីក្រោយមក Reece James ស៊ុតមួយជើងពីចម្ងាយយ៉ាងស្រួចផុតដៃអ្នកចាំទីរបស់ក្លិប Brighton រកបានគ្រាប់នាំមុខវិញឲ្យ Chelsea ។ ហើយគ្រាប់ទី៣ដែលធានាមាន៣ពិន្ទុនោះ​រកបានដោយការស៊ុតរបស់កីឡាករខ្សែការពារ Kurt Zouma ៕

កីឡាករ Reece James និង Kurt Zouma
ការប្រកួតរវាងក្លិប Brighton និង Chelsea

ប្រភព៖: bbc

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]