ថៃ៖ អាចនិយាយបានថា ជីវិតប្ដីប្រពន្ធរបស់តារាចម្រៀងនិងសម្ដែង Mattew និង Lydia គឺជាគ្រួសារមួយដែលមនុស្សគ្រប់គ្នាប្រាថ្នាចង់បានដូចពួកគេផងដែរ ព្រោះថារាល់គ្រប់សកម្មភាពពេលដែលអ្នកទាំងពីរនេះ បង្ហាញមុខជាមួយគ្នានៅតាមបណ្ដាញសង្គម ព្រមជាមួយកូនៗ ពិតជាបង្ហាញពីភាពមានសុភមង្គលក្នុងគ្រួសារខ្លាំងមិនធម្មតាឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង ដូចជាពេលថ្មីៗនេះជាដើម Matthew និង Lydia ក៏ទើបតែបានបង្អួតរូបភាពថ្មីៗ ក្នុងដំណើរកម្សាន្តទៅលំហែនៅឯកោះ Krabi ជាមួយសមាជិកគ្រួសារជាច្រើន និងកូនៗរបស់ពួកគេ យ៉ាងសប្បាយរីករាយផងដែរ។
ប៉ុន្តែក្នុងនោះទៀតសោត ឆ្លៀតពេលដែលកូនៗតូចៗរបស់ពួកគេសម្រាកអស់នោះ ប្ដីប្រពន្ធមួយគូនេះ ពិតជាមិនឲ្យខាតពេលយូរឡើយ ដោយពួកគេបានបង្កើតអនុស្សាវរីយ៍តែពីរនាក់ជាមួយគ្នា កៀកកើយអោបថើបថតរូបស្វីតៗបង្ហាញដល់ហ្វេនៗជាច្រើនសន្លឹក ហើយអ្វីពិសេសទៀតនោះ យើងឃើញថា Matthew និង Lydia បានស្លៀកសម្លៀកបំពាក់បង្អួតសម្រស់របស់ខ្លួន និងបានបញ្ចេញសាច់យ៉ាងស៊ិចស៊ី ស្មើដៃគ្នាទាំងប្ដីទាំងប្រពន្ធតែម្ដង ធ្វើឲ្យអ្នកគាំទ្រឃើញហើយក៏មានក្ដីសុខជំនួសដែរ។
យ៉ាងណាមិញ តាមរយៈរូបភាពដែល តារាប្រុសស្រីរូបនេះបានបង្ហោះនៅលើបណ្ដាញសង្គម ពិតណាស់ថាមហាជនដែលជាអ្នកគាំទ្រ ក៏បានលាន់មាត់សរសើរ និងពេញចិត្តចំពោះចំណងស្នេហ៍ដ៏រ៉ូមែនទិករបស់អ្នកទាំងពីរជាច្រើនផងដែរ៕
ទស្សនារូបភាពខាងក្រោម៖