ចំណូលថ្មីទីពីរសម្រាប់រដូវក្ដៅនេះ! Liverpool ទិញបានអ្នកចាំទីសញ្ជាតិប្រេសុីលម្នាក់ទៀតហើយ (មានវីដេអូ)

អង់គ្លេស៖ បើយោងតាមគេហទំព័រ Globo Esporte បានឲ្យដឹងថាក្លិបហង្សក្រហម Liverpool បានសម្រេចចុះកិច្ចសន្យារយៈពេលបីឆ្នាំ ក្នុងការនាំយកអ្នកចាំទីវ័យ១៧ឆ្នាំ Marcelo Pitaluga ពីក្លិប Fluminense របស់ប្រសុីល។

គួរឲ្យដឹងដែរថាសម្រាប់ការដោះដូរនេះ​ Liverpool ត្រូវចំណាយទឹកប្រាក់អស់ប្រមាណ៩៣មុឺនផោន (ឬ១លាន២សែនដុល្លារ) ឲ្យទៅក្លិប Fluminense ។ ក្នុងនោះដែរ Pitaluga នឹងក្លាយជាអ្នកចាំទីសញ្ជាតិប្រេសុីលទី២នៅក្នុងក្រុម រួមនឹងសិស្សច្បង Alisson Becker ដែលជាអ្នកចាំទីដៃទី១របស់ក្លិប។ លើសពីនេះលោក Jurgen Klopp ក៏បានរំពឹងទុកផងដែរថាកីឡាករវ័យក្មេងរូបនេះ នឹងអាចជំនួសកន្លែង Alisson Becker បាននៅប៉ុន្មានឆ្នាំខាងមុខទៀត។

ប្រភព៖ sportsmole