អាហ្សង់ទីន៖ ក្រសួងសន្តិសុខអាហ្សង់ទីនបាននិយាយកាលពីថ្ងៃអាទិត្យថា កងទ័ពជើងទឹករបស់ប្រទេសអាហ្សង់ទីនបានរឹបអូសកញ្ឆាជាង ៤ តោនដែលមានតម្លៃជាង ៤ លានដុល្លារសហរដ្ឋអាមេរិកនៅក្នុងខេត្ត Misiones ភាគខាងជើងជិតព្រំដែនជាមួយប្រទេសប៉ារ៉ាហ្គាយ ។

ក្រសួងបាននិយាយនៅក្នុងសេចក្តីថ្លែងការណ៍មួយថា ក្នុងកំឡុងពេលប្រតិបត្តិការដែលបានអនុវត្តដោយសមាជិកនៃកងនាវាអាហ្សង់ទីននៅគីឡូម៉ែត្រ ១,៧៣២ នៃទន្លេប៉ារ៉ាណាក្បែរកំពង់ផែ Mbopicua និងមានចម្ងាយប្រហែល ១,០៨៥ គីឡូម៉ែត្រខាងជើងរដ្ឋធានី Buenos Aires ហើយអាជ្ញាធរក៏បានចាប់ខ្លួនមនុស្ស ៤ នាក់ផងដែរ។

កញ្ឆាក្រៀមដែលកងទ័ពជើងទឹករបស់ប្រទេសអាហ្សង់ទីនបានរឹបអូស

ក្រសួងបាននិយាយបន្ថែមថា “ការល្បាតមួយនៅក្នុងតំបន់បានសង្កេតឃើញល្បឿនកប៉ាល់ដឹកទំនិញមួយចេញពីឆ្នេរសមុទ្រនៅតាមបណ្តោយផ្លូវដែលមានការបិទចរាចរណ៍។ បន្ទាប់មកកប៉ាល់នោះបានព្យាយាមរត់គេចខ្លួននៅពេលឃើញមន្ត្រីបុគ្គលិកមកពីកម្លាំងសហព័ន្ធ” ។

គួរឱ្យដឹងផងដែរថា បុគ្គលិកសន្តិសុខក៏បានរឹបអូសប្រាក់ជាង ៣,៤ លានប៉េសូ (ប្រហែល ៤៥,០០០ ដុល្លារអាមេរិក) ទូរស័ព្ទដៃ ១១ គ្រឿង កុំព្យូទ័រមួយគ្រឿង និងរបស់ផ្សេងទៀតដែលមានផលប្រយោជន៍សម្រាប់ការស៊ើបអង្កេតនេះ៕

កងទ័ពជើងទឹករបស់ប្រទេសអាហ្សង់ទីន
ស្លឹកកញ្ឆា

ប្រភព៖ ទីភ្នាក់ងារសារព័ត៌មានចិនស៊ីនហួរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ