ឥណ្ឌា៖ អ្នកភូមិមកពីភាគខាងជើងប្រទេសឥណ្ឌា បាននាំគ្នាផ្អើលឆោឡោពេញភូមិ នៅពេលពួកគេប្រទះឃើញក្រពើមួយក្បាលប្រវែង២ម៉ែត្រ កំពុងសំងំនៅក្នុងស្រះ នៅតំបន់ដែលពួកគេរស់នៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់ក្រុមន្ត្រីបានឲ្យដឹងថា ក្រពើខាងលើ បានមកពីតំបន់អភិរក្សធម្មជាតិក្បែរនោះ និងបង្ហាញខ្លួននៅភូមិមួយក្នុងតំបន់ Midania នៃរដ្ឋ Uttar Pradesh បន្ទាប់ពីមានជំនន់ទឹកភ្ញៀងបោកបក់ ដែលបណ្ដាលមកពីខ្យល់មូសុង កាលពីថ្ងៃអង្គារទី៨ ខែសីហាដើមសប្ដាហ៍នេះ។
ទន្ទឹមនឹងនេះដែរ អ្នកភូមិបានចាប់ក្រពើនោះ និងធ្វើការទាមទារប្រាក់ចំនួន៥០,០០០រ៉ូពី (ប្រមាណ៦៨០ដុល្លារអាមេរិក) ទើបពួកគេព្រមព្រលែងវាវិញ។ ហើយក្រុមប៉ូលិស រួមទាំងអាជ្ញាធរក្នុងតំបន់ បានចំណាយពេលជាច្រើនម៉ោងក្នុងការបញ្ចុះបញ្ចូលពួកគេឲ្យដោះលែងក្រពើផងដែរ។ យ៉ាងណាមិញ ក្រុមមន្ត្រីបានគំរាមអ្នកភូមិ ដោយប្រកាសថា ពួកគេនឹងប្រឈមជាប់ពន្ធនាគាររហូតដល់ទៅ៧ឆ្នាំ ប្រសិនបើល្មើសច្បាប់។
បើទោះជាយ៉ាងណាក៏ដោយ ទីបំផុត ក្រពើនោះក៏ត្រូវបានព្រលែងឲ្យមានសេរីភាពចូលទន្លេ Ghagra វិញនៅថ្ងៃដដែល។ ហើយអ្នកភូមិពិតជាមិនដឹងទេថា ក្រពើជាសត្វដែលត្រូវបានការពារដោយច្បាប់។ ចំពោះបញ្ហានេះដែរ វាមានសារៈសំខាន់ណាស់សម្រាប់ក្រុមមន្ត្រីក្នុងការអប់រំប្រជាជនឲ្យបានយល់ដឹងច្រើនអំពីសត្វព្រៃផងដែរ៕
សូមទស្សនារូបភាពខាងក្រោម៖