តារាចម្រៀងជួរមុខជាច្រើនរូប ចាប់ផ្តើមជ្រើសយក Tik Tok ក្នុងការផ្សព្វផ្សាយបទថ្មីៗជូនអ្នកគាំទ្រ

ភ្នំពេញ៖ បើទោះជាបី Tik Tok ត្រូវបានមហាជន និងសិល្បៈករខ្មែរជាច្រើននិយមលេងអស់រយៈពេលប្រមាណជា ៣ឆ្នាំមកហើយក្តី ប៉ុន្តែយើងសង្កេតឃើញថា ទើបតែពេលថ្មីៗនេះទេដែលតារាចម្រៀងល្បីៗជួរមុខប្រចាំប្រទេសដូចជា លោក ព្រាប សុវត្ថិ លោក ខេមរៈ សិរីមន្ត អ្នកនាង ឱក សុគន្ធកញ្ញា និងកញ្ញា មាស សុខសោភា ជាដើមបានចាប់ផ្តើមលេងបណ្តាញសង្គមដ៏មានប្រជាប្រិយភាពមួយនេះដើម្បីជាការចែករំលែកសកម្មភាពថ្មីៗ ជាពិសេសគឺការបង្ហាញជូននូវបទ​ចម្រៀងដែលទើបនឹងចេញទៅកាន់អ្នកគាំទ្ររបស់ខ្លួនដើម្បីស្តាប់ស្តាប់កម្សាន្ត និងរាំច្រៀងតាម។

ក្នុងនោះដែរ មហាជនខ្លះបានលើកឡើងថា ត្បិត Tik Tok ជាបណ្តាញសង្គមមួយថ្មី ប៉ុន្តែចំនួនអ្នកដែលប្រើប្រាស់ App នេះនៅក្នុងប្រទេសកម្ពុជា គឺមានការកើនឡើងខ្លាំង និងពេញនិយមណាស់សម្រាប់ស្រទាប់យុវវ័យ ដូច្នេះហើយទើបមានសិល្បករខ្មែរមួយចំនួន តែងតែចំណាយពេលទៅលើការលេង Tik Tok ជាមួយអ្នកគាំទ្រដើម្បីបង្កើនប្រជាប្រិយភាពឱ្យកាន់តែល្បីល្បាញមួយកម្រិតទៀតផងដែរ៕

សូមទស្សនារូបភាពខាងក្រោម៖