ស្ទើរមិនគួរឲ្យជឿ! ថ្លាន់ញីមួយក្បាល អាចមានពងបានដោយខ្លួនឯង ទោះមិនបានក្បែរពស់ឈ្មោលអស់រយៈពេល ១៥ឆ្នាំ

អាមេរិក៖ ថ្លាន់ញី​ អាយុ ៦២ឆ្នាំមួយក្បាល កំពុងបង្កការភ្ញាក់ផ្អើលដល់អ្នកចិញ្ចឹមជាខ្លាំង ក្រោយវាអាច​ពងបានដោយខ្លួនឯង ទោះមិនបានក្បែរពស់ឈ្មោលអស់រយៈពេល ១៥ឆ្នាំក៏ដោយ។ ហើយអ្វីដែលគួរឲ្យគត់សម្គាល់ទៀតនោះ គឺជាធម្មតាពស់ថ្លាន់ចាប់ផ្ដើមទម្លាក់ពងបាន នៅពេលវាមានអាយុចន្លោះពី៤ ទៅ ៦ឆ្នាំ និងបញ្ឈប់ទៅវិញ នៅមុនអាយុ៦០ឆ្នាំ។

Ball pythons ឬ Royal pythons ជាប្រភេទពស់ថ្លាន់ដែលមានដើមកំណើតនៅអាហ្រ្វិកកណ្ដាល និងខាងលិច។ វាត្រូវបានគេយកមកចិញ្ចឹមក្នុងសួនសត្វ St Louis ក្នុងរដ្ឋ Missouri តាំងពីឆ្នាំ១៩៦០។ តែយ៉ាងណាមិញ កាលពីថ្ងៃទី២៣ ខែកក្កដា កន្លងទៅនេះ វាបានបង្កការភ្ញាក់ផ្អើលដល់បុគ្គលិកសួនសត្វ បន្ទាប់ពីពួកគេប្រទះឃើញស៊ុតចំនួន ៧ គ្រាប់់។

លោក Mark Wanner ជាគ្រប់គ្រងសួនសត្វបាននិយាយថា៖

យ៉ាងណាមិញ លោក Mark Wanner បន្ថែមថា ខាងសួនសត្វគ្រោងនឹងផ្សព្វផ្សាយព័ត៌មានអំពីអាយុកាលរបស់ពស់ និងការលទ្ធភាពបន្ដពូជរបស់វា ប្រសិនការរធ្វើតេស្ដទទួលបានជោគជ័យ។ ហើយបច្ចុប្បន្ននេះ ស៊ុតចំនួន ៣គ្រាប់នៅមានជីវិត និងកំពុងស្ថិតក្នុងកន្លែងភ្ញាស់ ដែលគេរំពឹងថានឹងញាស់ក្នុងរយៈពេលមួយខែទៀត៕