មិនសមសោះ! វីដេអូចុងក្រោយ នារីលោតទឹកសម្លាប់ខ្លួនទុកបាច់ផ្កានិងស្បែកជើង ញញឹមដូចមិនមានទុក្ខសោក (Video Inside)

ភ្នំពេញ៖ កាលពីម្សិលមិញ បានផ្ទុះការភ្ញាក់ផ្អើលយ៉ាងខ្លាំងពេញបណ្ដាញសង្គមហ្វេសប៊ុក បន្ទាប់ពីមានករណីមាននារីមានមុខមាត់ស្រស់សោភាមួយរូប ត្រូវបានគេប្រទះឃើញលោតទឹកបញ្ចប់ជីវិត បន្សល់តែបាច់ផ្កាពណ៌ខៀវលាយសមួយបាច់ និងស្បែកជើងមួយគូប៉ុណ្ណោះ នៅលើស្ពាន។

ជាមួយគ្នានេះដែរ ជុំវិញករណីនេះ ត្រូវបានមហាជនចាប់អារម្មណ៍យ៉ាងខ្លាំង ចំពោះការចាកចេញរបស់នារីម្នាក់នោះ ដោយងឿងឆ្ងល់យ៉ាងខ្លាំងថា ហេតុអ្វីទើបរូបនាងដាច់ចិត្តបញ្ចប់ជីវិតទាំងវ័យក្មេងបែបនេះ ជាពិសេសបន្សល់ទុកវត្ថុចំនួន២នេះ ហាក់បីដូចជាមានអត្ថន័យអំពី ការចាកចេញទាំងឈឺចាប់ទៀតផង។

យ៉ាងណាមិញ មកទល់ថ្ងៃនេះដែរ យោងតាមគណនីបណ្ដាញសង្គមបងស្រីជនរងគ្រោះ កាន់តែធ្វើឲ្យប្រិយមិត្តទាំងឡាយ មិនអស់ចិត្តទាល់តែសោះ ក្រោយពីបានឃើញវីដេអូចុងក្រោយ បង្ហាញពីសកម្មភាពក្នុងថ្ងៃកំណើតរបស់នាង។ តាមរយៈវីដេអូនោះដែរ គេឃើញថា នារីរងគ្រោះដែលបានបញ្ចប់ជីវិតលោតទឹកសម្លាប់ ហាក់នៅស្រស់ញញឹម ដើរកាន់នំខេក​Surprise បងស្រីយ៉ាងរីករាយ បង្ហាញកាយវិការផ្អែមល្ហែមក្នុងនាមជា បងប្អូនស្រីដែលស្រលាញ់គ្នាយ៉ាងខ្លាំង មើលទៅមិនដូចមនុស្ស មានទុក្ខសោកទាល់តែសោះ។ 

គួរបញ្ជាក់ថា នារីរងគ្រោះដែលសម្រេចចិត្តបញ្ចប់លោតពីលើស្ពាន ហេតុការណ៍នេះ បានកើតឡើងកាលពីម៉ោង៣ទាបភ្លឺ ឈានចូលថ្ងៃទី១១ ខែកញ្ញា ឆ្នាំ២០២០ ស្ថិតនៅលើស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ៕

ចង់ជ្រាប់ច្បាស់ ទស្សនាវីដេអូខាងក្រោម៖