កុំចេះតែហ៊ាន! បណ្ដោយឲ្យក្មេងមិនទាន់គ្រប់អាយុបើកឡានធំ ហើយថតវីដេអូបង្ហោះ មានអី ប៉ូលិសកំពុងរកមុខ (មានវីដេអូ)

អង់គ្លេស៖ ប៉ូលិសអង់គ្លេស កំពុងធ្វើការស៊ើបអង្កេតលើឃ្លីបវីដេអូមួយ ដែលបង្ហាញពីការធ្វេសប្រហែស ដោយបណ្ដាយឲ្យក្មេងប្រុសម្នាក់ បើកបររថយន្ដដឹកទំនិញធុនធំ នៅលើដងផ្លូវហាយវេ។

ឃ្លីបវីដេអូនោះ ត្រូវបានគេចែករំលែកនៅលើកម្មវិធី Snapchat ដែលបង្ហាញពីក្មេងប្រុសម្នាក់ បានអង្គុយនៅលើកៅអីអ្នកបើកបរ ហើយកំពុងបញ្ជាចង្កូត ខណៈពេលរថយន្ដកំពុងបោះពួយទៅមុខ។ តែទោះជាយ៉ាងណា ក្នុងឃ្លីបវីដេអូមិនបានបញ្ជាក់អំពីទីតាំងច្បាស់លាស់នោះទេ តែគេជឿថា វាបានកើតឡើងនៅលើដងផ្លូវហាយវេមួយ  ជិតទីប្រជុំជន Dungannon។

ជាមួយគ្នានេះ តាមរយៈសម្មភាពនានាក្នុងឃ្លីបវីដេអូ ដែលមានរយៈពេលប្រមាណ ៨ វិនាទី គេបានឮសម្ដីអ្នកកាន់កាមេរ៉ាថតនិយាយថា «បន្ដដំណើរទៅមុខទៀត»។

យ៉ាងណាមិញ ជុំវិញករណីដែលមិនគួរកើតមានខាងលើ ត្រូវបានប៉ូលិសដាក់ការស៊ើបអង្កេត ដើម្បីវែកមុខរកជនសង្ស័យ និងនាំខ្លួនគេមកទទួលទោសតាមច្បាប់ផងដែរ៕

សូមទស្សនារូបភាព និងវីដេអូខាងក្រោម៖