យល់ដឹង៖ ជាទូទៅសត្វកណ្តុរ ជាប្រភេទសត្វ ដែលខ្លាចមនុស្ស ពួកវានឹងមិនខំ ឬវាយប្រហារ មនុស្សមុននោះទេ ប្រសិនបើអ្នកមិនទៅចាប់ ឬវាយប្រហារវាមុន ក៏ប៉ុន្តែនៅពេលដែល អ្នកត្រូវសត្វកណ្តុរខាំហើយ អ្នកក៏ត្រូវតែមាន នៅការប្រុងប្រ័យត្ន ព្រោះបន្ទាប់ពីវាខាំ ចាប់ពី២ទៅ៣ថ្ងៃបន្ទាប់ អាចលេចចេញនៅ រោគសញ្ញាមួយចំនួនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការដែលកណ្តុរខាំ មិនមែនសុទ្ធតែ ធ្ងន់ធ្ងរនោះទេ ក៏ប៉ុន្តែក្នុងចន្លោះ ប៉ុន្មានថ្ងៃបន្ទាប់ពីពេលដែល អ្នកត្រូវបានសត្វកណ្តុរខាំ អ្នកអាចនឹងឆ្លងនៅមេរោគ ដែលអាចបណ្តាលឲ្យមានជំងឺគ្រុនក្តៅ ដែលវាអាចបង្ហាញ នៅអាការៈដូចជា ឡើងកន្ទួលក្រហម រាងសំប៉ែត ឬមានស្នាមជាំ នៅមុខរបួស ហើយអាចប្រែពណ៌ ពីក្រហមទៅពណ៌ស្វាយ។ ស្លាកស្នាមដែលត្រូវ សត្វកណ្តុរខាំ មើលទៅដូចជា ស្នាមរបួសតូចមួយ អាចធ្វើឲ្យហូរឈាម និងបណ្តាលឲ្យហើម ហើយឈឺចាប់ឈួលៗ នៅត្រង់ស្នាមមុខរបួស។ ប្រសិនបើសត្វកណ្តុរខាំ ហើយចម្លងមេរោគ អ្នកក៏អាចសម្គាល់ដឹង ដោយមានចេញជាខ្ទុះ នៅត្រង់មុខរបួស។
មួយវិញទៀត សម្រាប់អាការៈនៃ ជម្ងឺគ្រុនដោយសារ សត្វកណ្តុរខាំនេះ ក៏ត្រូវបានគេបែកចែក ចេញជា២ប្រភេទផ្សេងគ្នា ដែលប្រភេទនីមួយៗ បណ្តាលមកពីបាក់តេរីផ្សេងៗពីគ្នា។ ប្រភេទទីមួយ មានឈ្មោះថាStreptobacillary ដែលប្រភេទនេះ គឺទូទៅកើតឡើង នៅខាងប៉ែកអាមេរិកខាងជើង ខណៈទី២ Spirillary កើតមានជាទូទៅ នៅតំបន់អាស៊ី។១) រោគសញ្ញាStreptobacillary នៃសត្វកណ្តុរខាំ អាចបណ្តាលឲ្យស្ទះសួត តែជាធម្មតាឆាប់ជា សះស្បើយទៅវិញទេ។ ក៏ប៉ុន្តែក្នុងករណីខ្លះ អ្នកអាចជួបរោគសញ្ញា មួយចំនួនដូចខាងក្រោម បន្ទាប់ពី៣ទៅ១០ថ្ងៃបន្ទាប់៖
*ឈឺសន្លាក់
*គ្រុនក្តៅនិងញាក់
*ឈឺសាច់ដុំ
*ឈឺក្បាល
*កន្ទួលលើស្បែក
*ក្អួតនិងរាគ ជាដើម។
២) រីឯអាការៈនៃSpirillary មានដូចជា៖
*ឈឺក្បាល
*គ្រុនក្តៅ និងញាក់
*ឈឺសាច់ដុំ
*ឈឺបំពង់កនិងក្អួត
*ហើមកូនកណ្តុរ
*ដំបៅនៅមុខរបួស
*កន្ទួលលើស្បែក ជាដើម។
យ៉ាងណាមិញ សម្រាប់ការព្យាបាលវិញ គឺសូមលាងសម្អាត មុខរបួសដែលសត្វកណ្តុរ បានខាំនោះដោយ ទឹកក្តៅឧណ្ឌៗ និងសាប៊ូឲ្យបានឆាប់បំផុត។ សម្ងួតកន្លែងដែលសត្វកណ្តុរបានខាំនោះ ឲ្យស្ងួតជាមួយកន្សែងស្អាត ហើយលាបថ្នាំអង់ទីប៊ីយោទិច នៅលើមុខរបួស។ បន្ទាប់មករុំជាមួយ បង់រុំដំបៅឲ្យបានស្អាត។
ចងចាំមួយទៀតថា ប្រសិនបើមុខរបួសនោះ នៅលើម្រាមដៃ ដូច្នេះបើអ្នកមានពាក់ចិញ្ចៀនឬកងដៃ សូមប្រញាប់ដោះចេញឲ្យអស់ មុនពេលដែលវាចាប់ផ្តើម ហើមខ្លាំងធ្វើឲ្យយើងពិបាក ក្នុងការដោះវាចេញ។ លើសពីនេះទៅទៀត ប្រសិនបើអ្នកមើលឃើញថា អាការៈកាន់តែធ្ងន់ធ្ងរ នៅបន្តហើមខ្លាំង ឡើងខ្ទុះច្រើននោះ ក៏សូមប្រញាប់បញ្ជូនអ្នកជម្ងឺ ទៅជួបវេជ្ជបណ្ឌិត ភ្លាមៗផងដែរ៕
ប្រភព៖ Healthline , Very Wellhealth