បរទេស៖ Li Lianjie គឺជាតារាសម្តែងជើងចាស់ ក្នុងភាពយន្តវាយតប់មួយរូប ដែលត្រូវបានទស្សនិកជនទទួលស្គាល់ ដែលមានរហ័សនាមថា លី លានជា គឺជាតារាបានបកស្រាយរឿងរ៉ាវមួយចំនួនដែលបង្ខំ ចិត្តឲ្យ តារាប្រុសម្នាក់នេះសម្រេចចិត្តផ្អាកពីវិស័យសិល្បៈឧស្សាហកម្មភាពយន្តមួយរយៈ ដោយសារតែរឿងមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក តារាសម្តែងរូបនេះ បានផ្អាកការសម្តែងចាប់តាំងពីខ្សែភាពយន្ត «League Of God» បានចេញនៅក្នុងឆ្នាំ២០១៦រួចមក ដោយសារតែមានបញ្ហាសុខភាពព្រោះជំងឺ Hyperthyroidism ដែលធ្វើឲ្យអស់កម្លាំង ខ្លាំងនិង ស្រកគីឡូច្រើនផងដែរ ជាងនេះទៅទៀតនោះគឺជើងរបស់លោក គឺនៅតែមានការឈឺចាប់ត្រង់ជើង ដោយមិនអាចឈរយូរបាននោះទេ កាលពីឆ្នាំ២០០៤ តារាម្នាក់នេះ បានរងរបួសត្រង់ជើងនិង ស្ទើរតែមិនមានជីវិតត្រលប់មកវិញ ដោយសារតែប្រឹងប្រែងជួយកូនស្រី ក្នុងគ្រោះមហន្តរាយព្យុះស៊ូណាមី នៅលើកោះម៉ាឌីវ។
កាលបីឆ្នាំ២០០៧ តារាប្រុសនេះ បានចុះទៅជួបសំណេះសំណាល លើកទឹកនិង បង្រៀនពីរបៀបទប់ទល់នឹង អារម្មណ៍នៃការបាក់ទឹកចិត្ត ដល់ជនរងគ្រោះដែលមានជិវិតពីគ្រោះធម្មជាតិ ដោយការសម្រេចចិត្តមួយនេះ ធ្វើឲ្យគាត់ យល់ឃើញថា ខ្លួននឹងមិនអាចផ្តោតតែលើការសម្តែងភាពយន្តតែមួយនោះទេ ដោយត្រូវជួយសង្គមនូវអ្វីដែលខ្លួនអាចធ្វើបានផងដែរ។
ទោះបីជាយ៉ាងណាក៏ដោយ នៅក្នុងឆ្នាំ២០២០នេះ Li Lianjie បានត្រឡប់មកវិញជាមួយនឹង ភាពយន្តដែលកំពុងតែពេញនិយមពេញនិយមគឺខ្សែភាពយន្តដែលមានឈ្មោះថា «Mulan» ដោយដើរជាតួអង្គ The Emperor ផងដែរ៕
សូមចូលមើលរូបភាពខាងក្រោម៖