រុស្ស៊ី៖ យោងតាមសារព័ត៌មានជប៉ុន NHK បានឲ្យដឹងថា ប្រទេសរុស្ស៊ីបានចាប់ផ្ដើមធ្វើតេស្ដវ៉ាក់សាំង COVID-19 ដំណាក់កាលទី៣ ដែលជាដំណាក់កាលចុងក្រោយ ហើយរដ្ឋាភិបាលគ្រោងនឹងចែកចាយវ៉ាក់សាំងនោះ ដល់បុគ្គលិកសុខាភិបាល ចាប់ពីខែវិច្ឆិកាខាងមុខនេះតទៅ។

ក្រសួងសុខាភិបាលរុស្ស៊ីបានប្រកាសកាលពីថ្ងៃពុធថា វ៉ាក់សាំងដែលបង្កើតឡើងដោយមជ្ឈមណ្ឌលស្រាវជ្រាវជាតិ Gamaleya កំពុងចាប់ផ្ដើមធ្វើតេស្ដលើមនុស្សដំណាក់កាលទី នៅឯស្ថាប័នវេជ្ជសាស្រ្តមួយក្នុងទីក្រុងម៉ូស្គូ ដែលនឹងមានអ្នកស្ម័គ្រចិត្ដចូលរួមចំនួន ៣១,០០០នាក់។

រូបតំណាង

គួរម្លឹកថា រដ្ឋាភិបាលរុស្ស៊ីបានអនុម័តវ៉ាក់សាំងនេះ កាលពីដើមខែសីហាកន្លងទៅ នៅពេលវ៉ាក់សាំងទើបតែបញ្ចប់ការធ្វើតេស្ដដំណាក់កាលទីប៉ុណ្ណោះ។ វ៉ាក់សាំងប្រភេទនេះ ត្រូវបានគេដាក់ឈ្មោះថា "Sputnik V" ​ដោយយកតាម​ឈ្មោះផ្កាយរណបដំបូងបង្អស់របស់អតីតសហភាពសូវៀត ដែលដាក់ឲ្យដំណើរការក្នុងឆ្នាំ១៩៥៧។ ជាមួយគ្នានេះ អ្នកស្រាវជ្រាវរុស្ស៊ីមួយចំនួន ដែលចូលរួមក្នុងការអភិវឌ្ឍវ៉ាក់សាំងបានអួតថា ពួកគេវ៉ាដាច់សហរដ្ឋអាមេរិកក្នុងការផលិតវា។

យ៉ាងណាមិញ មានអ្នកវិះគន់ទាំងនៅរុស្ស៊ី និងបរទេសបានសម្ដែងការសង្ស័យអំពីសុវត្ថិភាព និងប្រសិទ្ធភាពនៃវ៉ាក់សាំង ព្រោះពួកគេយល់ថា វាបានបង្កើតឡើងសម្រាប់គោលបំណងនយោបាយ។ តែទោះជាយ៉ាងណា ក្រុមអ្នកស្រាវជ្រាវរុស្ស៊ីបានរាយការណ៍នៅក្នុងខែនេះថា ការព្យាបាលសាកល្បងលើកដំបូងបង្ហាញថា មិនមានផលប៉ះពាល់ធ្ងន់ធ្ងរដល់សុខភាពឡើយ៕

រូបតំណាង
រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ