ឥណ្ឌា៖ នៅថ្ងៃព្រហស្បតិ៍ ទី១០ ខែកញ្ញានេះ ក្រសួងសុខាភិបាលឥណ្ឌាបានកត់ត្រាករណីឆ្លងថ្មីនៃជំងឺកូវីដ-១៩ រហូតដល់ជិត១០ម៉ឺននាក់ ហើយចំនួនថ្មីនេះ បានរុញករណីឆ្លងសរុបក្នុងប្រទេសឥណ្ឌាដល់ជាង ៤.៤លាននាក់។ នេះបើតាមការដកស្រង់ពីសារព័ត៌មាន CNA

តួលេខផ្លូវការណ៍របស់ក្រសួងសុខាភិបាលបានបង្ហាញថា ក្នុងរយៈពេល២៤ម៉ោងចុងក្រោយនេះ  មានអ្នកឆ្លងថ្មីចំនួន ៩៥,៧៣៥នាក់ និងស្លាប់ចំនួន ១,១៧២នាក់ ដែលជាអត្រាស្លាប់ខ្ពស់បំផុតក្នុងមួយថ្ងៃ គិតត្រឹមរយៈពេលជាងមួយខែមកនេះ ខណៈចំនួនអ្នកស្លាប់សរុបបានកើនដល់ជាង ៧៥,០០០នាក់។

គួរឲ្យដឹងដែរថា ករណីឆ្លងនៅឥណ្ឌាបានកើនឡើងយ៉ាងគំហុកក្នុងមួយថ្ងៃ ច្រើនជាងប្រទេសដទៃ នៅពេលប្រទេសនេះ បើកដំណើរការ បារកម្សាន្ដឡើងវិញលើកដំបូងកាលពីថ្ងៃពុធកន្លងទៅ ចាប់តាំងពីមានការបិទប្រទេស។ ទន្ទឹមនឹងនេះ អត្រាស្លាប់ក៏កំពុងកើនខ្ពស់ជាងប្រទេសដទៃដែរ ដែលជាមធ្យមមានអ្នកស្លាប់ជាង ១,០០០នាក់ក្នុងមួយថ្ងៃៗ ក្នុងរយៈពេលសប្ដាហ៍ចុងក្រោយនេះ៕

សូមទស្សនារូបភាពខាងក្រោម៖

ការស្ទង់កម្ដៅ
ការធ្វើតេស្ដ
ពលរដ្ឋឥណ្ឌាកំឡុងពេលជំងឺកូវីដ-១៩ រាតត្បាត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ