ប៉េកាំង៖ ព្រឹត្តិការណ៍ដាក់បង្ហាញយន្តហោះដ៏ធំបំផុតរបស់ចិន ដែលគ្រោងនឹងធ្វើឡើងនៅភាគខាងត្បូងទីក្រុងហ្ស៊ូហៃ (Zhuhai) ក្នុងខែវិច្ឆិកាខាងមុខនេះ ត្រូវបានអាជ្ញាធរសម្រេចរំសាយចោល ដោយសារបញ្ហាជំងឺរាតត្បាតកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការរបស់អ្នករៀបចំកម្មវិធីបានឱ្យដឹងនៅថ្ងៃពុធនេះថា ពិព័រណ៍យន្តហោះ និងអវកាសអន្តរជាតិចិន ដែលតែងមានការចូលរួមពីក្រុមហ៊ុនធំៗ ដូចជាក្រុមហ៊ុន Airbus SE (AIR.PA) ក្រុមហ៊ុន Boeing Co (BA.N) រួមជាមួយក្រុមហ៊ុនអាកាសចរណ៍ពាណិជ្ជកម្មចិន នឹងត្រូវបានកំណត់ធ្វើឡើងនៅឆ្នាំ ២០២២ ខាងមុខវិញ។
គួរជម្រាបដែរថា ការប្រកាសនេះត្រូវបានធ្វើឡើង បន្ទាប់ពីព្រឹត្តិការណ៍ដ៏ធំបំផុត Farnborough Airshow របស់ចក្រភពអង់គ្លេស ក៏ត្រូវបានរំសាយចោលនៅឆ្នាំនេះដែរ ដោយសារតែអាជ្ញាធរកំពុងទប់ស្កាត់មិនឱ្យមានការធ្វើដំណើរ ក៏ដូចជាការធ្លាក់ចុះនៃសេដ្ឋកិច្ច ដែលបណ្តាលមកពីការរាតត្បាតនៃជំងឺកូវីដ១៩៕