អេស៉្បាញ៖ ថ្មីៗនេះ ស្ត្រីម្នាក់មិនបញ្ចេញឈ្មោះ ជាអ្នកជំងឺកូវីដ-១៩ ត្រូវបានប៉ូលិសចាប់ឃាត់ខ្លួន នៅពេលដែលនាងលួចចេញទៅជិះក្ដារស្គីលើទឹក ដែលមានទីតាំងស្ថិតនៅសមុទ្រ La Zurriola ភាគខាងជើងទីក្រុង San Sebastian ប្រទេសអេស៉្បាញ។

យោងតាមប្រភពព័ត៌មានក្នុងស្រុកបានឲ្យដឹងថា ស្ត្រីខាងលើ ធ្លាប់មានការងារជាអ្នកឃ្លាំមើលសុវត្ថិភាពអ្នកទេសចរនៅមាត់សមុទ្រនារដូវក្ដៅ ហើយអ្នកធ្វើការជាមួយនាង គឺជាអ្នកដែលទូរសព្ទទៅប្ដឹងប៉ូលិស បន្ទាប់ពីឃើញនាងកំពុងលេងទឹកសមុទ្រ។

លុះពេលប៉ូលិសចុះទៅដល់ទីតាំងផ្ទាល់ នាងមិនបានស្ដាប់តាមបង្គាប់ និងអើពើពីសម្ដីរបស់ប៉ូលិសឡើយ ដែលបានបញ្ជាឲ្យនាងងើបចេញពីទឹកសមុទ្រ។ ហើយចុងក្រោយប៉ូលិសក៏បានសម្រេចចិត្តចាប់ដាក់ខ្នោះនាងតែម្ដង។

យ៉ាងណាមិញ នាងត្រូវបានគេរំពឹងថានឹងប្រឈមមុខការផាកពិន័យយ៉ាងខ្លាំងចំពោះការរំលោភបំពានច្បាប់ ដែលអាចបង់ប្រាក់ចាប់ពីចំនួនប្រមាណ៧,១០០ដុល្លារអាមេរិកឡើងទៅ។ ហើយប្រសិនបើគេរកឃើញថា នាងបានចម្លងជំងឺកូវីដ-១៩ទៅកាន់នរណាម្នាក់តាមរយៈទង្វើខាងលើរបស់នាង នោះនាងនឹងត្រូវពិន័យជាទឹកប្រាក់ប្រមាណច្រើនជាង១២៣,០០០ដុល្លារអាមេរិកឯណោះ៕

សូមទស្សនារូបភាពនិងវីដេអូខាងក្រោម៖

ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ