ប៉េកាំង៖ ក្រុមអ្នកសង្កេតការណ៍ជាតិរបស់ប្រទេសចិនកាលពីថ្ងៃអង្គារបានធ្វើការប្រកាសអាសន្នជាថ្មីម្តងទៀតចំពោះព្យុះភ្លៀងនៅតំបន់ភាគឦសាន្ត ភាគខាងកើត និងភាគខាងត្បូងនៃប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលឧតុនិយមជាតិបាននិយាយថា ចាប់ពីថ្ងៃអង្គារដល់ម៉ោង ៨ ព្រឹកថ្ងៃពុធភ្លៀងធ្លាក់ខ្លាំង និងព្យុះភ្លៀងត្រូវបានគេរំពឹងថានឹងមាននៅផ្នែកខ្លះនៃតំបន់ Liaoning, Jilin, Heilongjiang, Fujian, Guangdong និងតំបន់ Guangxi ។
យ៉ាងណាមិញ មជ្ឈមណ្ឌលឧតុនិយមជាតិនេះបាននិយាយបន្តថា តំបន់ខ្លះនឹងមានភ្លៀងធ្លាក់រហូតដល់ ៦០ មីលីម៉ែត។ ហើយក៏បានណែនាំដល់អាជ្ញាធរមូលដ្ឋានឱ្យនៅតែមានការប្រុងប្រយ័ត្នចំពោះគ្រោះទឹកជំនន់ និងការបាក់ដី ក៏ដូចជាបានផ្តល់អនុសាសន៍អោយបញ្ឈប់ប្រតិបត្តិការខាងក្រៅនៅក្នុងតំបន់ដែលមានគ្រោះថ្នាក់។
គួរឱ្យដឹងផងដែរថា ប្រទេសចិនមានប្រព័ន្ធព្រមានអំពីអាកាសធាតុដែលមានពណ៌ ៤ កម្រិតដោយពណ៌ក្រហមតំណាងឱ្យសភាពធ្ងន់ធ្ងរបំផុត បន្ទាប់មកមានពណ៌ទឹកក្រូច ពណ៌លឿង និងពណ៌ខៀវ៕
សូមទស្សនារូបភាពខាងក្រោមបន្ថែម៖
ប្រភព៖ ទីភ្នាក់ងារសារព័ត៌មានស៊ីនហួរ