កីឡាករយុវជន ១០រូបនេះ បានផ្ទេរចេញថ្លៃបំផុតក្នុងប្រវត្តិសាស្ត្របាល់ទាត់ ខណៈដែលពួកគេស្ថិតក្នុងវ័យត្រឹម...

ពិតណាស់ ស្របពេលដែលវិស័យបាល់ទាត់កាន់តែរីកចម្រើនពីមួយឆ្នាំទៅមួយឆ្នាំ កីឡាករវ័យក្មេងៗក៏មានសមត្ថភាពខ្លាំងៗតាមសម័យកាលនីមួយៗដូចគ្នា។ តួយ៉ាង កីឡាករយុវជន Fábio Silva សញ្ជាតិព័រទុយហ្គាល់ដែលក្លិប Wolves ទើបតែទិញពីក្លិប Porto កាលពីពេលថ្មីៗនេះ មានតម្លៃរហូតដល់ទៅ ៤០លានផោនឯណោះ ស្របពេលរូបគេទើបមានវ័យ ១៨ឆ្នាំ។

ខាងក្រោមនេះ ជាកីឡាករយុវជន ១០រូប ដែលមានតម្លៃផ្ទេរថ្លៃជាងគេក្នុងប្រវត្តិសាស្ត្របាល់ទាត់សម័យទំនើប ខណៈពួកគេទើបមានវ័យ ១៨ឆ្នាំ និង១៩ឆ្នាំ ប៉ុណ្ណោះ៖

១០-អតីតយុវជនខ្សែប្រយុទ្ធជម្រើសជាតិអាហ្សង់ទីន Javier Saviola វ័យ ៣៨ឆ្នាំ (បច្ចុប្បន្នចូលនិវត្តន៍) បានផ្ទេរពីក្លិប River Plate របស់លីគកំពូលអាហ្សង់ទីន ទៅក្លិប Barcelona របស់លីគកំពូលអេស្ប៉ាញ ក្នុងវ័យ ១៩ឆ្នាំ កាលពីខែកក្កដា ឆ្នាំ២០០១ ក្នុងតម្លៃ ៣៥.៩០លានផោន។

៩-អតីតយុវជនខ្សែបម្រើប្រយុទ្ធជម្រើសជាតិអង់គ្លេស Wayne Rooney វ័យ ៣៤ឆ្នាំ (បច្ចុប្បន្នលេងនៅក្លិប Derby County លីគលំដាប់ទី២ អង់គ្លេស) បានផ្ទេរពីក្លិប Everton របស់លីគកំពូលអង់គ្លេស ទៅក្លិប Manchester United របស់លីគកំពូលអង់គ្លេស ក្នុងវ័យ ១៨ឆ្នាំ កាលពីខែសីហា ឆ្នាំ២០០៤ ក្នុងតម្លៃ ៣៧លានផោន។

៨-អតីតយុវជនខ្សែការពារជម្រើសជាតិអង់គ្លេស Luke Shaw វ័យ ២៥ឆ្នាំ (បច្ចុប្បន្នលេងនៅក្លិប Manchester United លីគកំពូលអង់គ្លេស) បានផ្ទេរពីក្លិប Southampton របស់លីគកំពូលអង់គ្លេស ទៅក្លិប Manchester United របស់លីគកំពូលអង់គ្លេស ក្នុងវ័យ ១៨ឆ្នាំ កាលពីខែកក្កដា ឆ្នាំ២០១៤ ក្នុងតម្លៃ ៣៧.៥០លានផោន។

៧-យុវជនសញ្ជាតិព័រទុយហ្គាល់ Fábio Silva វ័យ ១៨ឆ្នាំ ទើបតែផ្ទេរពីក្លិប Porto របស់លីគកំពូលព័រទុយហ្គាល់ ទៅក្លិប Wolves របស់លីគកំពូលអង់គ្លេស កាលពីថ្ងៃទី៥ ខែកញ្ញា ឆ្នាំ២០២០ ក្នុងតម្លៃ ៤០លានផោន។

៦-យុវជនខ្សែប្រយុទ្ធជម្រើសជាតិប្រេស៊ីល Vinícius Júnior វ័យ ២០ឆ្នាំ (បច្ចុប្បន្នលេងនៅក្លិប Real Madrid លីគកំពូលអេស្ប៉ាញ) បានផ្ទេរពីក្លិប Flamengo របស់លីគកំពូលប្រេស៊ីល ទៅក្លិប Real Madrid របស់លីគកំពូលអេស្ប៉ាញ ក្នុងវ័យ ១៨ឆ្នាំ កាលពីខែកក្កដា ឆ្នាំ២០១៨ ក្នុងតម្លៃ ៤៥ លានផោន។

៥-អតីតយុវជនខ្សែប្រយុទ្ធជម្រើសជាតិប្រេស៊ីល Rodrygo វ័យ ១៩ឆ្នាំ (បច្ចុប្បន្នលេងនៅក្លិប Real Madrid លីគកំពូលអេស្ប៉ាញ) បានផ្ទេរពីក្លិប Santos របស់លីគកំពូលប្រេស៊ីល ទៅក្លិប Real Madrid របស់លីគកំពូលអេស្ប៉ាញ ក្នុងវ័យ ១៨ឆ្នាំ កាលពីខែកក្កដា ឆ្នាំ២០១៩ ក្នុងតម្លៃ ៤៥លានផោន។

៤-អតីតយុវជនខ្សែប្រយុទ្ធជម្រើសជាតិបារាំង Anthony Martial វ័យ ២៤ឆ្នាំ (បច្ចុប្បន្នលេងនៅក្លិប  Manchester United លីគកំពូលអង់គ្លេស) បានផ្ទេរពីក្លិប Monaco របស់លីគកំពូលបារាំង ទៅក្លិប Manchester United របស់លីគកំពូលអង់គ្លេស ក្នុងវ័យ ១៩ឆ្នាំ កាលពីខែកញ្ញា ឆ្នាំ២០១៥ ក្នុងតម្លៃ ៦០លានផោន។

៣-យុវជនខ្សែការពារជម្រើសជាតិហូឡង់ Matthijs de Ligt វ័យ ២១ឆ្នាំ (បច្ចុប្បន្នលេងនៅក្លិប  Juventus លីគកំពូលអ៊ីតាលី) បានផ្ទេរពីក្លិប Ajax របស់លីគកំពូលហូឡង់ ទៅក្លិប Juventus លីគកំពូលអ៊ីតាលី ក្នុងវ័យ ១៩ឆ្នាំ កាលពីខែកក្កដា ឆ្នាំ២០១៩ ក្នុងតម្លៃ ៨៥.៥០លានផោន។

២-យុវជនខ្សែប្រយុទ្ធជម្រើសជាតិព័រទុយហ្គាល់ João Félix វ័យ ២០ឆ្នាំ (បច្ចុប្បន្នលេងនៅក្លិប  Atlético Madrid លីគកំពូលអេស្ប៉ាញ) បានផ្ទេរពីក្លិប Benfica របស់លីគកំពូលព័រទុយហ្គាល់ ទៅក្លិប Atlético Madrid លីគកំពូលអេស្ប៉ាញ ក្នុងវ័យ ១៩ឆ្នាំ កាលពីខែកក្កដា ឆ្នាំ២០១៩ ក្នុងតម្លៃ ១២៦លានផោន។

១-យុវជនខ្សែប្រយុទ្ធជម្រើសជាតិបារាំង Kylian Mbappé វ័យ ២១ឆ្នាំ (បច្ចុប្បន្នលេងនៅក្លិប  PSG លីគកំពូលបារាំង) បានផ្ទេរពីក្លិប Monaco របស់លីគកំពូលបារាំង ទៅក្លិប PSG លីគកំពូលបារាំង ក្នុងវ័យ ១៩ឆ្នាំ កាលពីខែកក្កដា ឆ្នាំ២០១៨ ក្នុងតម្លៃ ១៤៥លានផោន៕

ប្រភព៖ transfermarkt.com