ស្ថានីយ៍វិទ្យុ RAC1 ដែលមានមូលដ្ឋាននៅទីក្រុង Barcelona បានផ្តិតយករូបភាពរបស់ខ្សែប្រយុទ្ធ Lionel Messi ពេលចូលមកដល់ក្លិបដើម្បីហ្វឹកហាត់ជាមួយក្រុមនៅរសៀលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធសញ្ជាតិអាហ្សង់ទីនបានធ្វើតេស្តរកមេរោគ Covid-19 នៅផ្ទះរបស់គាត់ពីរបីថ្ងៃមុនរួចមកហើយ ដោយលទ្ធផលគឺអវិជ្ជមាន។ ទោះយ៉ាងណា គាត់នៅតែមិនអាចចូលរួមហ្វឹកហាត់ជាមួយក្រុមបានទេ ដោយសារតែបទបញ្ជារបស់ La Liga ។
មិនខុសអ្វីនឹង Philippe Coutinho ទេ ដែលប្រធានក្រុមបាសេឡូណារូបនេះនឹងហ្វឹកហាត់ដោយខ្លួនឯងពីរបីថ្ងៃទៀតរហូតដល់គាត់មានការធ្វើតេស្តរកមេរោគម្តងទៀត ដោយក្រុមដែលនៅសល់ទាំងប៉ុន្មាននឹងត្រូវធ្វើដំណើរទៅហ្វឹកហាត់ជាធម្មតា។
ដូចដែលអ្នកបានឃើញថា Messi បានមកក្លិបដើម្បីហ្វឹកហាត់មុនគេបង្អស់ គឺប្រហែលជា ៩០ នាទីមុនមិត្តរួមក្រុមរបស់គាត់ទាំងអស់។ ហើយបើយោងតាមប្រភពព័ត៌មានជាច្រើនបានឱ្យដឹងថា Messi ប្រាកដណាស់ថានឹងត្រូវប្រកួតមិត្តភាពមុនបើករដូវកាលរបស់ Barcelona ទល់នឹងក្រុម Nastic នៅថ្ងៃសៅរ៍នេះផងដែរ៕
ប្រភព៖ Tribuna