ចូលរួមសោកស្ដាយ! ភរិយារបស់​តារាជើងចាស់ Rong Kaomoolkadi ទទួលមរណភាពហើយ ព្រោះតែ....

ថៃ៖ គឺជារឿងដ៏គួរឲ្យសោលស្ដាយយ៉ាងខ្លាំង នៅក្នុងឧស្សាហកម្មកម្សាន្តរបស់ប្រទេសថៃ​ បន្ទាប់ពី អ្នកស្រី Mae Thum Pathumwadee ដែលជាភរិយារបស់តារាសម្ដែងជើងចាស់ លោក Rong Kaomoolkadi បានទទួលមរណភាព ក្នុងអាយុ ៧២ ឆ្នាំ ក្រោយពេលដែលបានតស៊ូនឹងជំងឺ ALS (ជំងឺខ្សោយសាច់ដុំ) និងមានជំងឺ ពុលក្រពេញទីរ៉ូអ៊ីត រយៈពេល ៨ ឆ្នាំមកហើយ។ 

ចំពោះដំណឹងក្រៀមក្រំនេះ ត្រូវបានបង្ហាញ នៅក្នុងទំព័រហ្វេសប៊ុករបស់ របស់កូនប្រុស MaeThum  ដែលបានចុះផ្សាយកាលពីពាក់កណ្តាលអធ្រាត្រមុននេះ ផងដែរ ជាមួយនឹងទុក្ខសោកសង្វេគ ខណៈដែលបានបាត់បង់អ្នកម្ដាយជាទីស្រលាញ់ភ្លាមៗបែបនេះ។ 

យ៉ាងណាមិញ អ្នកស្រី MaeThum Pathumwadee ក៏ជាអតីតតារាស្រី នៅក្នុងឧស្សាហកម្មកម្សាន្ត ក្នុងនាមជាតារាចម្រៀងម្នាក់ ក្រោយមកក៏បានក្លាយទៅជាពិធីករ ក្នុងទូរទស្សន៍ដ៏ល្បីល្បាញ ថែមទៀតផង ដែលជាហេតុធ្វើឲ្យ បណ្ដាមហាជនជាច្រើន បានបង្ហាញភាពសោកស្ដាយ ចូលួមរំលែកទុក្ខចំពោះក្រុមគ្រួសាររបស់អ្នកស្រី ផងដែរ៕  

សូមទស្សនារូបភាពខាងក្រោម៖