ខាទូម៖ ប្រព័ន្ធផ្សព្វផ្សាយរដ្ឋ SUNA បានរាយការណ៍នៅព្រឹកថ្ងៃសៅរ៍នេះថា ក្រុមប្រឹក្សាសន្តិសុខនិងការពារជាតិរបស់ប្រទេសស៊ូដង់ បានសម្រេចប្រកាសអាសន្នរយៈពេល ៣ខែ ជុំវិញបញ្ហាគ្រោះទឹកជំនន់ដែលបានសម្លាប់មនុស្សអស់ ៩៩នាក់នៅឆ្នាំនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋមន្រ្តីក្រសួងការងារនិងអភិវឌ្ឍន៍ប្រទេសស៊ូដង់បាននិយាយថា បន្ថែមពីលើការស្លាប់ ទឹកជំនន់នៅឆ្នាំនេះក៏បានធ្វើឱ្យមនុស្ស ៤៦នាក់រងរបួស បំផ្លាញផ្ទះសម្បែងជាង ១០ម៉ឺនខ្នង ហើយប្រជាជនជាងកន្លះលាននាក់ ក៏ត្រូវរងផលប៉ពាល់ដោយសារគ្រោះទឹកជំនន់នេះដែរ។
សូមជម្រាបដែរថា គ្រោះទឹកជំនន់នៅប្រទេសស៊ូដង់ឆ្នាំនេះ បានកើនឡើងខ្លាំងបំផុតបើធៀបទៅនឹងឆ្នាំ១៩៤៦ និង ១៩៨៨។ ហើយក្នុងពេលជួបគ្រោះអាសន្ននេះដែរ ក្រុមប្រឹក្សាក៏បានប្រកាសបង្កើតគណៈកម្មការជាន់ខ្ពស់មួយ ដែលដឹកនាំដោយក្រសួងការងារនិងអភិវឌ្ឍន៍សង្គម ដើម្បីដោះស្រាយបញ្ហាជូនប្រជាជន ដែលរងផលប៉ះពាល់ដោយសារគ្រោះមហន្តរាយធម្មជាតិនេះ៕