ទ្វីបអឺរ៉ុប ជាទ្វីបដែលមានវិស័យបាល់ទាត់ល្បីល្បាញជាងគេនៅលើពិភពលោក ខណៈដែលលីគបាល់ទាត់នៃប្រទេសនីមួយៗក្នុងទ្វីបនេះ ព្យាយាមពង្រឹងប្រព័ន្ធបាល់ទាត់របស់ខ្លួនឱ្យក្លាយជាលីគបាល់ទាត់ខ្លាំងខ្លា ក្នុងគោលបំណងឈរលំដាប់ដែលខ្ពស់បំផុតក្នុងទ្វីបអឺរ៉ុប ដើម្បីទទួលបានកៅអីច្រើនក្រុមចូលលេងក្នុងពានរង្វាន់ទ្វីបអឺរ៉ុប (UEFA Champion Leagues និង UEFA Europa Leagues)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ប្រទេសចំនួន ៥ ទទួលបានលំដាប់ខ្ពស់បំផុតក្នុងទ្វីបអឺរ៉ុប រួមមាន៖ ទី១-ប្រទេសអេស្ប៉ាញ ទី២-ប្រទេសអង់គ្លេស ទី៣-ប្រទេសអាល្លឺម៉ង់ ទី៤-ប្រទេសអ៊ីតាលី និងទី៥-ប្រទេសបារាំង។ ដោយមានភាពល្បីល្បាញ និងការប្រកួតប្រជែងក្នុងទ្វីបអ៉ឺរ៉ុប ក៏ដូចជាលីគកំពូលនៃប្រទេសទាំង ៥ ទើបធ្វើឱ្យកីឡាករល្បីៗជាច្រើនទូទាំងពិភពលោក តែងប្រាថ្នាចង់ចូលរួមលេងនៅទីនោះ។
យ៉ាងណាមិញ មានកីឡាករ ២០រូប បានចូលហ្វឹកហាត់នៅក្លិបដំបូង និងបន្តស្នាក់នៅរយៈពេលវែងបំផុតក្នុងអាជីពជាកីឡាកររបស់ខ្លួន នៅក្នុងលីគកំពូលទាំង ៥ ក្នុងនោះមាន៖
២០-ខ្សែប្រយុទ្ធជម្រើសជាតិអាល្លឺម៉ង់ Thomas Müller វ័យ ៣០ឆ្នាំ នៅក្លិប Bayern Munich ក្នុងលីគកំពូលអាល្លឺម៉ង់ រយៈពេល ១២ឆ្នាំ ១ខែ និង ២៦ថ្ងៃ។
១៩-អតីតខ្សែការពារកណ្តាលជម្រើសជាតិរូម៉ានី Stefan Radu វ័យ ៣៣ឆ្នាំ នៅក្លិប Lazio ក្នុងលីគកំពូលអ៊ីតាលី រយៈពេល ១២ឆ្នាំ ១ខែ និង ២៦ថ្ងៃ។
១៨-ខ្សែការពារស្លាបស្តាំសញ្ជាតិបារាំង Vincent Manceau វ័យ ៣១ឆ្នាំ នៅក្លិប Angers ក្នុងលីគកំពូលបារាំង រយៈពេល ១២ឆ្នាំ ១ខែ និង ២៦ថ្ងៃ។
១៧-អ្នកចាំទីជម្រើសជាតិព័រទុយហ្គាល់ Anthony Lopes វ័យ ២៩ឆ្នាំ នៅក្លិប Olympique Lyon ក្នុងលីគកំពូលបារាំង រយៈពេល ១២ឆ្នាំ ១ខែ និង ២៦ថ្ងៃ។
១៦-ខ្សែបម្រើជម្រើសជាតិអេស្ប៉ាញ Koke វ័យ ២៨ឆ្នាំ នៅក្លិប Athletico Madrid ក្នុងលីគកំពូលបារាំង រយៈពេល ១២ឆ្នាំ ១ខែ និង ២៦ថ្ងៃ។
១៥-ខ្សែបម្រើប្រយុទ្ធសញ្ជាតិអេស្ប៉ាញ Roberto Torres វ័យ ៣១ឆ្នាំ នៅក្លិប Osasuna ក្នុងលីគកំពូលអេស្ប៉ាញ រយៈពេល ១២ឆ្នាំ ១ខែ និង ២៦ថ្ងៃ។
១៤-ខ្សែការពារកណ្តាលជម្រើសជាតិអេស្ប៉ាញ Gerard Piqué វ័យ ៣៣ឆ្នាំ នៅក្លិប Barcelona ក្នុងលីគកំពូលអេស្ប៉ាញ រយៈពេល ១២ឆ្នាំ ១ខែ និង ២៦ថ្ងៃ។
១៣-អតីតខ្សែការពារស្លាបស្តាំជម្រើសជាតិអេស្ប៉ាញ Mario Gaspar វ័យ ២៩ឆ្នាំ នៅក្លិប Villarreal ក្នុងលីគកំពូលអេស្ប៉ាញ រយៈពេល ១២ឆ្នាំ ៧ខែ និង ២៥ថ្ងៃ។
១២-ខ្សែការពារស្លាបឆ្វេងជម្រើសជាតិអង់គ្លេស Danny Rose វ័យ ៣០ឆ្នាំ នៅក្លិប Tottenham Hotspur ក្នុងលីគកំពូលអង់គ្លេស រយៈពេល ១៣ឆ្នាំ ១ខែ និង ១ថ្ងៃ។
១១-អតីតខ្សែការពារស្លាបឆ្វេងជម្រើសជាតិអាល្លឺម៉ង់ Marcel Schmelzer វ័យ ៣២ឆ្នាំ នៅក្លិប Borussia Dortmund ក្នុងលីគកំពូលអាល្លឺម៉ង់ រយៈពេល ១៣ឆ្នាំ ១ខែ និង ២៦ថ្ងៃ។
១០-ខ្សែបម្រើការពារជម្រើសជាតិអេស្ប៉ាញ Sergio Busquets វ័យ ៣២ឆ្នាំ នៅក្លិប Barcelona ក្នុងលីគកំពូលអេស្ប៉ាញ រយៈពេល ១៣ឆ្នាំ ១ខែ និង ២៦ថ្ងៃ។
៩-ខ្សែការពារស្លាបឆ្វេងជម្រើសជាតិប្រេស៊ីល Marcelo វ័យ ៣២ឆ្នាំ នៅក្លិប Real Madrid ក្នុងលីគកំពូលអេស្ប៉ាញ រយៈពេល ១៣ឆ្នាំ ៧ខែ និង ២៥ថ្ងៃ។
៨-ខ្សែការពារកណ្តាលជម្រើសជាតិអេស្ប៉ាញ Sergio Ramos វ័យ ៣៤ឆ្នាំ នៅក្លិប Real Madrid ក្នុងលីគកំពូលអេស្ប៉ាញ រយៈពេល ១៤ឆ្នាំ ១១ខែ និង ២៦ថ្ងៃ។
៧-ខ្សែការពារកណ្តាលជម្រើសជាតិអ៉ីតាលី Giorgio Chiellini វ័យ ៣៦ឆ្នាំ នៅក្លិប Juventus ក្នុងលីគកំពូលអ៊ីតាលី រយៈពេល ១៥ឆ្នាំ ១ខែ និង ២៦ថ្ងៃ។
៦-ខ្សែបម្រើការពារសញ្ជាតិអ៉ីតាលី Francesco Magnanelli វ័យ ៣៥ឆ្នាំ នៅក្លិប Sassuolo ក្នុងលីគកំពូលអ៊ីតាលី រយៈពេល ១៥ឆ្នាំ ១ខែ និង ២៦ថ្ងៃ។
៥-អ្នកចាំទីសញ្ជាតិបារាំង Jessy Moulin វ័យ ៣៤ឆ្នាំ នៅក្លិប Saint-Étienne ក្នុងលីគកំពូលបារាំង រយៈពេល ១៥ឆ្នាំ ១ខែ និង ២៦ថ្ងៃ។
៤-ខ្សែបម្រើការពារសញ្ជាតិអេស្ប៉ាញ Oier វ័យ ៣៤ឆ្នាំ នៅក្លិប Osasuna ក្នុងលីគកំពូលអេស្ប៉ាញ រយៈពេល ១៥ឆ្នាំ ១ខែ និង ២៦ថ្ងៃ។
៣-អ្នកចាំទីសញ្ជាតិអេស្ប៉ាញ Sergio Álvarez វ័យ ៣៤ឆ្នាំ នៅក្លិប Celta Vigo ក្នុងលីគកំពូលអេស្ប៉ាញ រយៈពេល ១៦ឆ្នាំ ១ខែ និង ២៦ថ្ងៃ។
២-ខ្សែប្រយុទ្ធជម្រើសជាតិអាហ្សង់ទីន Lionel Messi វ័យ ៣៣ឆ្នាំ នៅក្លិប Barcelona ក្នុងលីគកំពូលអេស្ប៉ាញ រយៈពេល ១៦ឆ្នាំ ៧ខែ និង ២៥ថ្ងៃ។
១-ខ្សែបម្រើសញ្ជាតិអង់គ្លេស Mark Noble វ័យ ៣៤ឆ្នាំ នៅក្លិប West Ham ក្នុងលីគកំពូលអង់គ្លេស រយៈពេល ១៦ឆ្នាំ ៧ខែ និង ២៥ថ្ងៃ៕
ប្រភព៖ transfermarkt.com