វ៉ាស៊ីនតោន៖ មជ្ឈមណ្ឌលត្រួតពិនិត្យ និងបង្ការជំងឺឆ្លង (CDC) របស់អាមេរិក បានស្នើឱ្យមន្រ្តីសុខភាពសាធារណៈរៀបចំគម្រោងចែកចាយវ៉ាក់សាំងប្រឆាំងនឹងជំងឺកូវីដ១៩ ដល់ក្រុមមនុស្សដែលមានហានិភ័យខ្ពស់ ឱ្យបានឆាប់បំផុតត្រឹមចុងខែតុលា ឬដើមខែវិច្ឆិកា ពោលគឺមុនថ្ងៃបោះឆ្នោតប្រធានាធិបតី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកនាំពាក្យមជ្ឈមណ្ឌល CDC បានប្រាប់ទៅកាន់សារព័ត៌មាន Reuters ថា គោលបំណងនៃការធ្វើផែនការនេះ គឺ CDC ចង់ឱ្យរដ្ឋនីមួយៗត្រូវរៀបចំផែនការឱ្យបានជាក់លាក់ សម្រាប់គម្រោងចែកចាយវ៉ាក់សាំង ដោយសារចំនួននៅមានកំណត់។
សារព័ត៌មាន New York Times ក៏បានរាយការណ៍ដែរថា មជ្ឈមណ្ឌល CDC បានទាក់ទងទៅមន្រ្តីនៅរដ្ឋទាំង៥០ និងទីក្រុងធំៗ ចំនួន៥ ដោយមានទាំងឯកសារបង្ហាញពីគម្រោង CDC ក្នុងការចែកចាយវ៉ាក់សាំងកូវីដ១៩ ដែលនឹងមានចំនួនកំណត់ ឱ្យបានឆាប់បំផុតត្រឹមចុងខែតុលា។
នៅក្នុងឯកសារនោះក៏បានឱ្យដឹងទៀតថា វ៉ាក់សាំងកូវី១៩នេះ អាចនឹងផ្តល់ជូនដោយឥតគិតថ្លៃ ទៅដល់ក្រុមមនុស្សដែលមានហានិភ័យខ្ពស់ដូចជា បុគ្គលិកសុខាភិបាល និងបុគ្គលិកការពារសន្តិសុខជាតិជាដើម។ ហើយវ៉ាក់សាំងដែលមជ្ឈមណ្ឌល CDC គ្រោងនឹងចែកចាយនេះ គឺទំនងជាផលិតឡើងដោយក្រុមហ៊ុនផលិតឱសថ Moderna Inc, AstraZeneca Plc និង Pfizer Inc ដែលនាំមុខគេក្នុងបង្កើតវ៉ាក់សាំងមានសុវត្ថិភាព និងប្រសិទ្ធភាពប្រឆាំងនឹងជំងឺ៕