ឥណ្ឌា៖ លោក Shiv Charan និងប្រពន្ធឈ្មោះ Babita បានបង្ខំចិត្ដលក់កូនដែលទើបនឹងកើតរបស់ពួកគាត់ ឲ្យទៅមន្ទីរពេទ្យមួយក្នុងទីក្រុង Agra ក្រោយបានសម្រាលរួច ដោយការវះកាត់ ហើយត្រូវបង់ប្រាក់ចំនួន ៣៥,០០០រ៉ូពី (ឬប្រហែល ៤៨០ដុល្លារអាមេរិក) ប៉ុន្ដែអ្នកទាំងពីរពុំមានលទ្ធភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹង ប្ដីប្រពន្ធគូនេះ មានកូនចំនួន៥នាក់ ហើយក្នុងមួយថ្ងៃ លោក Charan មិនអាចរកប្រាក់បានលើលពី ១០០រ៉ូពីឡើយ (ប្រហែល ១.៣០ដុល្លារអាមេរិក)។ លើសពីនេះ រោងចក្រស្បែកជើងដែលកូនប្រុសច្បងរបស់ពួកគាត់ធ្លាប់ធ្វើការ ក៏ត្រូវបានបិទទ្វារ ដោយសារតែជំងឺកូវីដ-១៩រាតត្បាតផងដែរ។
បុរសជាប្ដីដែលមានមុខរបរ ជាអ្នកដឹកមនុស្សតាមរយៈកង់សណ្ដោងរទេះ និងប្រពន្ធរបស់គាត់មិនមានប្រាក់សម្រាប់បង់ថ្លៃពេទ្យនោះទេ ដូច្នេះមន្ទីរពេទ្យបានទិញទារកនោះក្នុងតម្លៃ ១០០,០០០ រ៉ូពី (ឬប្រហែល ១,៣៧០ដុល្លារអាមេរិក) ដើម្បីកាត់កងថ្លៃសម្រាល និងថ្នាំពេទ្យតែម្ដង។
គួររម្លឹកថា កន្លងមករដ្ឋាភិបាលឥណ្ឌាក៏ធ្លាប់ព្រមានពីការធ្វើពាណិជ្ជកម្មជួញទារកផងដែរ។ យ៉ាងណាមិញ ចៅក្រមស្រុក លោក Prahbu N Singh បាននិយាយថា ករណីនេះត្រូវបានស៊ើបអង្កេត និងចាត់វិធានការតាមផ្លូវច្បាប់ ព្រោះគេជឿថា ទារកមួយចំនួនដែលមន្ទីរពេទ្យទិញ នឹងត្រូវបានលក់បន្ដឲ្យទៅប្ដីប្រពន្ធដទៃទៀត ដែលកំពុងស្វែងរកក្មេង ដើម្បីយកទៅធ្វើជាកូនចិញ្ចឹម៕