បរទេស៖ ក្លិប Real Betis បានធ្វើការផ្ទេរយកអ្នកចាំទីវស្សារបស់ក្លិប Manchester City កីឡាករ Claudio Bravo ដោយមិនមានតម្លៃខ្លួន។ ជម្រើសជាតិឈីលីវ័យ៣៧ឆ្នាំ បានចុះកិច្ចសន្យាជាមួយក្លិបនៅលីគអេស្ប៉ាញរយៈពេល១ឆ្នាំ ជាមួយនឹងជម្រើសបន្ថែមនៅឆ្នាំបន្ទាប់ទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររម្លឹកដែរថា Bravo បានចំណាយពេល៤ឆ្នាំ នៅទឹកដី Etihad ក្រោយចាកចេញពីក្លិប Barcelona ។ យ៉ាងណាមិញ ស្ថិតក្នុងក្រុមលោក Pep Guardiola រូបគេមានឈ្មោះត្រឹមអ្នកចាំទីដៃទី២ ដោយជម្រើសដៃទី១ គឺកីឡាករ Ederson។
ជាក់ស្ដែង ចាប់តាំងពីផ្ទេរពីទឹកដី Camp Nou មកកាន់ Man City ក្នុងឆ្នាំ២០១៦មក គេងបង្ហាញខ្លួនបាន៦១ប្រកួត គិតរាល់ព្រឹត្តិការណ៍ទាំងអស់។ ដោយឡែកនៅរដូវកាលមុន គេចូលលេងឲ្យក្រុមរហស្សនាមមេឃខៀវបានត្រឹម១៧ប្រកួតប៉ុណ្ណោះ។
ជាមួយគ្នានេះ Bravo ជាកីឡាករទី៣ ហើយដែលចាកចេញពី Man City នៅរដូវក្ដៅនេះ បន្ទាប់ពីខ្សែប្រយុទ្ធស្លាប Leroy Sane ផ្លាស់ទៅ Bayern Munich និងខ្សែបម្រើចាស់វស្សា David Silva ផ្ទេរទៅក្លិប Sociedad ដោយគ្មានតម្លៃខ្លួន៕
ប្រភព៖ goal.com