ចម្លែកណាស់! កោះនៅប្រទេសប្រេសុីលមួយនេះ បើកទ្វារស្វាគមន៍​ តែអតីតអ្នកជំងឺកូវីដ១៩ប៉ុណ្ណោះ

ប្រេសុីល៖ ពិតជាមិនគួរឲ្យជឿ ចំពោះកោះមួយឈ្មោះFernando De Noronha Archipelagoដែលមានទីតាំងនៅប្រទេសប្រេសុីលបានបើកទ្វារវិញហើយ ក្រោយពីបិទទ្វារមួយរយៈនៅពេលដែលផ្ទុះជំងឺឆ្លងកូវីដ១៩ បានរីករាលដាលយ៉ាងខ្លាំង ដោយដល់ថ្នាក់ទប់ស្ទើរតែលែងជាប់ទៅហើយ។

ដោយឡែក នៅពេលវិញ កោះមួយនេះ ត្រូវបានបើកទ្វារសម្រាប់ចូលទស្សនាកម្សាន្តវិញហើយ ប៉ុន្តែមានលក្ខណមួយគឺភ្ញៀវទេសចរណ៍ត្រូវជាអ្នកដែលធ្លាប់មានផ្ទុកវិរុសប្រភេទថ្មីកូវីដ១៩ ពីមុនមក ប៉ុន្តែជាសះស្បើយវិញហើយ ទើបអាចចូលកម្សាន្តនៅក្នុងកោះនេះបាន រួមទាំងភ្ញៀវជាតិទាំងអន្តរជាតិ ដែលអាចកក់កន្លែងស្នាក់នៅតាមរយៈប្រព័ន្ធអុីនធើណែតបាន ប៉ុន្តែត្រូវតែមានភស្តុតាងបញ្ជាក់ថាពួកជាពិតជាធ្លាប់ផ្ទុកមានវីរុសនេះពិតប្រាកដមែនជាមុនសិន។

រហូតមកទល់ពេលនេះ កោះFernando De Noronha Archipelago កំពុងតែបើកទ្វារស្វាគមន៍ ភ្ញៀវគ្រប់ជាតិសាសន៍ដែលធ្លាប់ជាអ្នកជំងឺកូវីដ១៩ពីមុនមកទាំងអស់ យ៉ាងកក់ក្តៅពេញទំហឹងផងដែរ ដោយនៅក្នុងគោលបំណងនៃបើកទ្វារកោះនេះឡើងវិញ លើកទឹកចិត្តដល់អ្នកដែលធ្លាប់មានជំងឺមួយនេះ ឲ្យមានភាពរឹងមាំនិង សប្បាយឡើងវិញប៉ុណ្ណោះ៕