Barcelona គ្រោងយកកីឡាករសំខាន់របស់ខ្លួនទៅប្តូរយកកីឡាករ Joao Felix ពី Atletico Madrid

យោងតាមសារព័ត៌មាន Marca បានឲ្យដឹងថាប្រធានក្លិប Barcelona លោក Josep Maria Bartomeu គ្រោងចង់យកកីឡាករ Antoine Griezmann ដែលជាអតីតកីឡាកររបស់ក្រុម Atletico Madrid ឲ្យទៅក្រុមចាស់របស់គេវិញក្រោមលក្ខខណ្ឌប្តូរជាមួយកីឡាករ Joao Felix។

យ៉ាងណាមិញ ការស្នើសុំរបស់ Barcelona គឺធ្វើឡើងចាប់តាំងពីមុនបរាជ័យក្រោមថ្វីដៃរបស់ក្រុម Bayern Munich ក្រោមលទ្ធផល ៨ ទល់នឹង ២ មកម្ល៉េះ ប៉ុន្តែខាង Atletico Madrid បានបដិសេធដោយខ្លួនមិនចង់បាត់បង់កីឡាករ Joao Felix ឡើយ។ 

គួរបញ្ជាក់ផងដែរថា ក្រុម Atletico Madrid បានឆ្លើយតបទៅកាន់ Barcelona វិញថា ខ្លួននឹងយល់ព្រមយក Griezmann មកវិញ ដោយខ្លួននឹងប្តូរជាមួយនឹងកីឡាករ Thomas Lemar និង Diego Costa ប៉ុន្តែប្រធានក្លិប Barcelona លោក Bartomeu គ្មានចំណាប់អារម្មណ៍លើកីឡាករទាំង ២ រូបនេះឡើយ៕