សុខភាព៖ ទម្លាប់ក្រោយពេល ទទួលទានអាហារគឺ ពិតជារឿងដ៏សំខាន់ ដែលមនុស្សយើងម្នាក់ៗ គួរតែមានការ យកចិត្តទុកដាក់ឡើងវិញ ព្រោះដោយហេតុថា មានទម្លាប់មួយចំនួន វាអាចជះ នៅឥទ្ធិពលមិនល្អខ្លាំង ដល់សុខភាពនិង សុខុមាលភាព របស់យើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្វែងយល់ ដើម្បីចៀសវៀង នៅទម្លាប់មិនល្អ ក្រោយពេលទទួលទានអាហារ ដើម្បីទទួលបានសុខភាពល្អ តែប្រសិនបើអ្នកនៅតែ បន្តទម្លាប់មិនល្អទាំងនោះទៀត គឺមានតែនាំជំងឺ មកឲ្យខ្លួនឯងតែប៉ុណ្ណោះ។
នៅថ្ងៃនេះ ខ្មែរឡូតនឹងនាំអារម្មណ៍ អ្នកទាំងអស់គ្នា ទៅស្វែងយល់ពីទម្លាប់ ដែលអ្នកមិនគួរធ្វើ ក្រោយពេលទទួលទាន អាហារហើយភ្លាមៗ ដើម្បីទទួលបាន សុខភាពល្អទាំងអស់គ្នា៕
១. ផឹកទឹកត្រជាក់
យោងតាមកាសែតIndia Times មនុស្សគ្រប់គ្នា ដឹងថាការទទួលទាន ទឹកគ្រប់គ្រាន់ គឺចាំបាច់សម្រាប់ ការរំលាយអាហារ បានត្រឹមត្រូវ។ ប៉ុន្តែការទទួលទាន ទឹកត្រជាក់ភ្លាមៗ ក្រោយពេលបរិភោគ អាចបណ្តាលឱ្យ ឃ្លានអាហារនិង ការរំលាយអាហារយឺត។ អ្នកជំនាញ ណែនាំឱ្យផឹកទឹកក្តៅឧណ្ឌៗ និងរង់ចាំ យ៉ាងហោចណាស់ ៤៥ នាទីបន្ទាប់ពីទទួលទានរួច។
២. ធ្វើលំហាត់ប្រាណខ្លាំង
នៅពេលដែល អ្នកធ្វើលំហាតប្រាណ រាងកាយខ្លាំងក្លា បន្ទាប់ពីទទួលទានអាហាររួច វាពិតជាបង្កើននៅសម្ពាធ ទៅលើប្រព័ន្ធរំលាយអាហារ និងបន្ថយការរំលាយអាហារ។ ពីព្រោះនៅពេលដែល អ្នកធ្វើលំហាត់ប្រាណខ្លាំងក្លា បរិមាណឈាម នៅក្នុងខ្លួនដែលផ្តោតលើ ការគ្រប់គ្រងសរីរាង្គ រំលាយអាហារនោះនឹងផ្ទេរ ទៅកាន់សាច់ដុំភ្លាមៗ ដើម្បីជំនួយដល់ អុកស៊ីសែនឲ្យបានគ្រប់គ្រាន់ ក្នុងការផ្គត់ផ្គង់ថាមពល។ លើសពីនេះទៀត វាក៏បណ្តាលឱ្យមាន រោគសញ្ញាក្អួតចង្អោរ បង្កើនហានិភ័យនៃ ការរងរបួស ប្រកាច់ ឈឺពោះជាដើម។
៣. ផឹកតែ
មនុស្សជាច្រើន គិតថាការផឹកតែ ក្តៅមួយពែងភ្លាមៗ បន្ទាប់ពីបរិភោគអាហារគឺល្អ សម្រាប់ប្រព័ន្ធរំលាយអាហារ និងជួយពន្លឿនដំណើរ ការស្រូបយក។ ប៉ុន្តែការពិត វាផ្ទុយពីនេះ ទៅវិញ។ ការសិក្សាជាច្រើន បានបង្ហាញថា ប៉ូលីហ្វេណុលនិង តានីន ដែលមាននៅក្នុងតែ នឹងជះឥទ្ធិពលមិនល្អដល់ ការរំលាយអាហារនិង ការពាររាងកាយពី ការស្រូបយកជាតិដែក។ ទន្ទឹមនឹងនេះ សារធាតុទាំងនេះ នៅពេលផ្សំជាមួយ ប្រូតេអ៊ីន វីតាមីនB១ ជាតិដែក នឹងបង្កើតជា សារធាតុដែល ពិបាកស្រូបចូល។ លើសពីនេះទៀត តានីន និងតូកូទីន ដែលមាននៅក្នុងតែ ក៏រារាំងដល់ការបញ្ចេញទឹកក្រពះ និងសារធាតុរាវរបស់ពោះវៀន មិនល្អសម្រាប់ ការរំលាយអាហារផងដែរ។
៤. បន្ធូរខ្សែក្រវាត់ពេលញុំាឆ្អែត
នៅពេលដែលយើង ញ៉ាំឆ្អែតខ្លាំងពេក ប្រាកដជាពិបាកក្នុងខ្លួន ខោក៏ចាប់ផ្តើមតឹង ដូច្នេះហើយ ទើបមានមនុស្សជាច្រើនតែងតែ ទម្លាប់ដកឬបន្ធូរខ្សែក្រវ៉ាត់ ដើម្បី ដកដង្ហើមបានស្រួលជាងមុន។ ទោះជាយ៉ាងណាក៏ដោយ នៅពេលដែលក្រពះធ្ងន់ ការយកចង្កេះចេញនឹង បង្កើតជាកម្លាំង ដែលបណ្តាលឱ្យពោះចុះទាប។ ដែលប៉ះពាល់ដល់ពោះវៀន ក៏ដូចជាបំពង់រំលាយអាហារ ដែលអាចបណ្តាលឱ្យ រមួលពោះវៀន ស្ទះពោះវៀនឬ ឈឺពោះជាដើម។
៥. ជក់បារី
យើងទាំងអស់គ្នា ដឹងហើយថា ការជក់បារីបង្កគ្រោះថ្នាក់ ដល់សុខភាពខ្លាំង។ ទោះជាយ៉ាងណាក៏ដោយ ការជក់បារីភ្លាមៗ បន្ទាប់ពីញ៉ាំអាហារគឺ កាន់តែមានគ្រោះថ្នាក់។ វាអាចបណ្តាលឱ្យ មានរោគសញ្ញារលាក និងដំបៅពោះវៀនផងដែរ។
៦. គេង
បន្ទាប់ពីការនឿយហត់ ពេញមួយថ្ងៃ នៅកន្លែងការងារ និងបន្ទាប់ពីបានទទួលទាន នៅ អាហារឆ្ងាញ់ៗ មនុស្សជាច្រើន មានអារម្មណ៍ថាងងុយគេង ហើយចង់សម្រាក។ ប៉ុន្តែអ្នកគួរតែចៀសវាង ការគេងភ្លាមៗ បន្ទាប់ពីញ៉ាំអាហារ រួច ព្រោះវាអាចបណ្តាលឱ្យ ក្រហាយទ្រូង, ស្រមុកជាដើម។ ដូច្នេះបន្ទាប់ពីញ៉ាំរួច អ្នកគួរតែអង្គុយសម្រាក យ៉ាងហោចណាស់ ៣០ នាទី ដើម្បីឱ្យចំណីអាហារ នៅក្នុងក្រពះ ត្រូវបានរំលាយ បន្ទាប់មកអ្នកអាច គេងឬសម្រាកបានហើយ។
៧. អាន
ទំលាប់នេះ តម្រូវឱ្យមានការផ្តោតអារម្មណ៍ ហួសហេតុដែលមិនគួរធ្វើ បន្ទាប់ពីទទួលទានអាហារនោះទេ។ បើមិនដូច្នោះទេ ថាមពលដែលត្រូវ បានផ្តោតលើ ដំណើរការរំលាយអាហារ និងត្រូវបានរំខាន ដោយសារតែការអានផងដែរ។
៨. ញុំាផ្លែឈើ
នៅពេលដែលអ្នកញុំា ផ្លែឈើបន្ទាប់ពី ការទទួលទានអាហារហើយភ្លាមៗ វានឹងធ្វើឲ្យស្ករ ដែលមាននៅក្នុងផ្លែឈើ អាចបង្កាត់ជាមួយនឹង កាបូនហាយដ្យាត និងប្រូតេអ៊ីន នៅក្នុងម្ហូបអាហារ។ ជាលទ្ធផល វានឹងធ្វើឲ្យ ការរំលាយអាហារថយចុះ បង្កើនសម្ពាធ ដល់ការរំលាយអាហារ ដែលជាហេតុធ្វើឲ្យក្រពះឈឺ និងហើមពោះជាដើម។
៩. ងូតទឹក
ងូតទឹក នៅពេលដែលទទួលទានអាហារហើយ វានឹងបន្ថយសីតុណ្ហភាព ក្នុងរាងកាយអ្នក បង្វែរឈាមហូរពី ប្រព័ន្ធរំលាយអាហារ ទៅកាន់ស្បែក ដើម្បីរក្សាសីតុណ្ហភាពឲ្យបានថេរ។ ដូច្នេះដើម្បីមានសុវត្ថិភាព អ្នកអាចងូតទឹក ៦០ នាទី មុនពេលញ៉ាំ ឬក្រោយពេលបរិភោគ។
១០. ផឹកស្រា
បន្ទាប់ពីទទួលទាន អាហារហើយ ប្រសិនបើអ្នកស្រាប់តែ ផឹកស្រាភ្លាមវានឹង ធ្វើឲ្យអ្នក មានសម្ពាធ លើប្រព័ន្ធរំលាយអាហារ និងប៉ះពាល់ដល់មុខងារ នៃពោះវៀនផងដែរ។ ដូច្នេះប្រសិនបើមិនចង់ឲ្យ មានបញ្ហាបែបនេះទេ អ្នកអាចចាំដល់២០នាទី ក្រោយចាំផឹកស្រា ទើបជាការប្រសើរ។
ប្រភព៖ zingnews , Entertainment Time
Bong I.T