បរទេស៖ ថ្មីៗនេះកីឡាករខ្សែប្រយុទ្ធ Sergio Aguero បានបង្ហាញតម្រុយមួយ ដែលបញ្ជាក់ថាកីឡាករ Lionel Messi អាចនឹងមានភាគរយខ្ពស់ក្នុងការផ្លាស់ចេញពី Barcelona ទៅចូលរួមជាមួយក្លិប Manchester City នៅរដូវក្ដៅនេះ។ តម្រុយនោះគឺ Aguero បានលុបលេខ១០ ដែលជាលេខរបស់ Messi ចេញពីឈ្មោះគណនី Instagram របស់ផ្ទាល់ខ្លួនរបស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររម្លឹកដែរថានៅប៉ុន្មានថ្ងៃមុននេះម្ចាស់ពាន Ballon d'Or ៦សម័យបានដាក់សំណើជាផ្លូវការមួយ ក្នុងការសុំចែកផ្លូវគ្នាជាមួយក្លិប Barcelona ។ ជាមួយគ្នានេះមានក្លិបធំៗជាច្រើននៅទ្វីបកំពុងតែប្រជែងគ្នាតាមយកកីឡាករវ័យ៣៣ ឆ្នាំរូបនេះទៅរួមក្រុម មានដូចជា Manchester United, Chelsea, Manchester City, Inter Milan, Juventus និង Paris Saint-Germain ជាដើម។
ក្នុងនោះដែរក្លិប Manchester City ហាក់ដូចជាមានប្រៀបជាងគេក្នុងការនាំយក ម្ចាស់អាវលេខ១០រូបនេះមករួមក្រុម ពោល Messi មានទំនាក់ទំនងយ៉ាងជិតស្និតជាមួយលោកគ្រូបង្វឹក Pep Guardiola និងកីឡាករ Sergio Aguero ។ លើសពីនេះទៅទៀតឱពុករបស់ Messi ក៏បានធ្វើដំណើរមកទីក្រុង Manchester ដើម្បីមកចរចាផ្ទាល់ជាមួយ Man City ផងដែរ៕
ប្រភព៖ sportsmole