អង់គ្លេស៖ ប្ដីប្រពន្ធមួយគូមកពីប្រទេសអង់គ្លេស ស្ទើរតែមិនជឿនឹងអ្វីដែលខ្លួនបានឮផ្ទាល់ត្រចៀក ដោយកូនប្រុសមានអាយុទើបតែ៨សប្ដាហ៍សោះ ចេះនិយាយជាលើកដំបូង ខណៈដែលទារកភាគច្រើនអាចនិយាយបាន នៅពេលពួកគេមានអាយុចន្លោះពី១០ ទៅ ១៤ខែឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទារកមានឈ្មោះថា Charlie-John Taylor-Mullington បានធ្វើឲ្យម្ដាយឈ្មោះ Caroline វ័យ៣៧ឆ្នាំ និងឪពុកឈ្មោះ Nick វ័យ៣៦ឆ្នាំ មានការភ្ញាក់ផ្អើលហើយមិននឹកស្មានដល់ នៅពេលរូបគេបានឆ្លើយតបនឹងពាក្យស្វាគមន៍របស់ឪពុក។
ជាក់ស្ដែង យោងតាមឃ្លីបវីដេអូដែលបានថតឡើងកាលពីថ្ងៃទី២១ ខែសីហាកន្លងទៅ បានបង្ហាញឲ្យឃើញថា លោក Nick បានបីកូនរបស់ខ្លួន ហើយនិយាយទៅកាន់គេថា «សួស្ដី»។ បន្ទាប់មក ស្រាប់តែ Charlie-John ញញឹម រួចចាប់ផ្ដើមបើកមាត់ឆ្លើយតបពាក្យថា «សួស្ដី» ទៅកាន់លោកវិញតែម្ដង។
យ៉ាងណាមិញ ឪពុកម្ដាយទាំងពីរបានឲ្យដឹងដែរថា Charlie-John បាននិយាយពាក្យនោះ ពីរបីដងមកហើយ តែពួកគាត់ទើបសម្រេចចិត្ដថតជាវីដេអូទុក ព្រោះពីដំបូងមិនជឿថាគេអាចនិយាយបានឡើយ។ អ្នកទាំងពីរបន្ថែមទៀតថា ពួកគាត់ក៏មានការចាប់អារម្មណ៍លើកូនម្នាក់ទៀត គឺកូនស្រីទីមួយដែលមានឈ្មោះ Lottie ផងដែរ ដោយរូបគេអាចនិយាយលើកដំបូងត្រឹមតែអាយុ៦ខែប៉ុណ្ណោះ ហើយបច្ចុប្បន្នគេមានអាយុ ២ឆ្នាំហើយ៕
សូមទស្សនារូបភាព និងវីដេអូខាងក្រោម៖