អេស្ប៉ាញ៖ ក្លិបដែលនឹងត្រូវឡើងមកលេងនៅលីគកំពូលអង់គ្លេស Premier League នៅរដូវកាលថ្មីខាងមុខនេះ Leeds United បានឈានដល់កិច្ចព្រមព្រៀង ជាមួយក្លិប Valencia ជាផ្លូវការហើយ ជុំវិញការផ្ទេរយកខ្សែប្រយុទ្ធ Rodrigo Moreno។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជម្រើសជាតិអេស្ប៉ាញ វ័យ២៩ឆ្នាំ ធ្លាប់មានបទពិសោធន៍លេងនៅលីគអង់គ្លេសម្ដងរួចមកហើយ ដោយរូបគេធ្លាប់រួមរស់ជាមួយក្រុម Bolton ក្នុងកិច្ចសន្យាខ្ចីជើង ចន្លោះឆ្នាំ២០១០ ដល់ ២០១១ លុះឈានដល់ឆ្នាំ២០១៤ រូបគេក៏បានផ្លាស់ទៅលេងឲ្យក្លិប Valencia ក្នុងលក្ខខណ្ឌខ្ចីជើងពីក្លិប Benfica ខណៈចំណាយពេលបាន១រដូវកាលនៅក្របខណ្ឌ La Liga ទើបក្លិបរហស្សនាមប្រចៀវខ្មៅ ផ្ទេរយករូបគេជាអចិន្ត្រៃយ៍តែម្ដង។
ក្នុងនោះដែរ រយៈពេល៦ឆ្នាំ នៅទឹកដី Mestalla កីឡាករ Rodrigo បង្ហាញខ្លួនបាន២២០ប្រកួត ស៊ុតបញ្ចូលទីបាន៥៩គ្រាប់ និងជួយ Valencia លើកពាន Copa del Rey បាន១គ្រឿង នៅរដូវកាល២០១៨/១៩។
យ៉ាងណាមិញ នៅទីផ្សារដោះដូរដូវក្ដៅនេះ ដល់ពេលវេលាដែល Rodrigo ត្រូវចែកផ្លូវគ្នាជាមួយនឹងក្លិប Valencia ហើយ ខណៈក្លិបថ្មីរបស់គេគឺ ក្លិប Leeds United។
ជាមួយគ្នានេះ ទាក់ទិននឹងព័ត៌មានខាងលើ ក្លិប Valencia ក៏បានចេញសេចក្ដីថ្លៃងការណ៍មួយ ដោយសរសេររៀបរាប់នៅបណ្ដាញសង្គម Twitter យ៉ាងដូច្នេះថា៖
ប្រភព៖ bbc