វីរុសកូរ៉ូណា ធ្វើឲ្យរីសតមួយនៅឥណ្ឌា ក្លាយជាកសិដ្ឋានចិញ្ចឹមត្រី

ឥណ្ឌា៖ រីសតដ៏ល្អប្រណិតមួយ ឈ្មោះថា Aveda Resort ដែលមានទីតាំងស្ថិតក្នុងរដ្ឋ Kerala ប្រទេសឥណ្ឌា បានប្រែអាងទឹកទៅជាកសិដ្ឋានចិញ្ចឹមត្រី ដើម្បីរកចំណូល កំឡុងពេលជួបវិបត្តិសេដ្ឋកិច្ច ដែលបណ្ដាលមកពីវីរុសកូរ៉ូណា។

ប្រភពព័ត៌មានបានឲ្យដឹងថា ជាធម្មតា អាងទឹកក្នុងរីសត ដែលមានប្រវែងប្រមាណ១៥០ម៉ែត្រ គឺពោរពេញទៅដោយភ្ញៀវទេសចរ.បរទេសយ៉ាងអ៊ូអរ។ តែឥឡូវនេះ ត្រីរាប់មុឺនក្បាលកំពុងហែរយ៉ាងឆ្វេកឆ្វាចទៅវិញ។ ហើយរីសត ត្រូវបានបង្ខំចិត្តបិទកាលពីខែមីនាមកម៉្លេះ នៅពេលដែលប្រទេសចេញវិធានការ ដើម្បីទប់ស្កាត់ការរីករាលដាលនៃវីរុសកូរ៉ូណា។ ចាប់តាំងពីពេលនោះ មកទល់បច្ចុប្បន្នមានសណ្ឋាគារតិចតួចប៉ុណ្ណោះ ដែលអនុញ្ញាតឲ្យបើកដំណើរការឡើងវិញ។

ទន្ទឹមនឹងនេះ លោក Jyotish Surendran ជាអ្នកគ្រប់គ្រងទូទៅក្នុងរីសត បានឲ្យដឹងដែរថា៖

យ៉ាងណាមិញ ខាងរីសតសង្ឃឹមថា ប្រាក់ដែលបានមកពីការលក់ត្រីនឹងអាចជួយផ្គត់ផ្គង់ការខាតបង់របស់រីសតកំឡុងពេលវិបត្តិកូរ៉ូណា រហូតដល់អាជីវកម្មអាចបើកដំណើរការឡើងវិញ។ ហើយបើទោះបីជារីសតបើកដំណើរការឡើងវិញក៏ដោយ ក៏ការចិញ្ចឹមត្រីនឹងបន្ដដដែល តែត្រូវរកទីតាំងចិញ្ចឹមថ្មីផងដែរ៕

សូមទស្សនារូបភាពខាងក្រោម៖