ចិន៖ ថ្មីៗនេះ វីដេអូឃ្លីបខ្លីថ្មីមួយ ត្រូវបានគេយកទៅបង្ហោះចែកចាយលើបណ្ដាញអុីនធឺណេត បានបង្ហាញពីសកម្មភាព អ្នកទេសចរនាំគ្នាដើរលើបន្ទះកញ្ចក់ យ៉ាងប្រុងប្រយ័ត្ន និងភ័យខ្លាច ដែលនៅជាប់នឹងច្រាំងថ្មចោទ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទះកញ្ចក់ ត្រូវបានសាងសង់ឡើងដូចជារាងអក្សរ A និងមានទីតាំងស្ថិតនៅឧទ្យានជាតិ Wansheng Ordovician Theme Park ក្នុងទីក្រុង Chongqing ប្រទេសចិន។ ហើយវាត្រូវបានសាងសង់ឡើង ដោយប្រើរយៈមួយឆ្នាំ និងទឹកប្រាក់ចំនួន៤០លានយ័ន (ប្រមាណ៥,៧៨២,០០០ដុល្លារអាមេរិក)។
ជាមួយគ្នានេះដែរ បន្ទះកញ្ចក់ មានកម្ពស់ប្រមាណ២៩៩ម៉ែត្រពីដី និងប្រវែងប្រមាណ៦៩ម៉ែត្រពីច្រាំងថ្មចោទ ដែលអាចឲ្យអ្នកទេសចរគយគន់ទេសភាពដ៏ស្រស់ស្អាត។ ហើយចាប់តាំងពីបើកដំណើរការក្នុងខែមេសា ឆ្នាំ២០១៧ រហូតមកទល់ពេលនេះ វាបានទាក់ទាញអ្នកទេសចរឲ្យចូលទស្សនាឧទ្យានជាតិច្រើនជាង៦លាននាក់ឯណោះ។
យ៉ាងណាមិញ ដើម្បីការពារសុវត្ថិភាពរបស់អ្នកទេសចរ គឺខាងឧទ្យានជាតិ បានអនុញ្ញាតមនុស្សចំនួន៣០នាក់ប៉ុណ្ណោះ ឲ្យដើរលើបន្ទះកញ្ចក់ក្នុងពេលតែមួយ៕
សូមទស្សនារូបភាពនិងវីដេអូខាងក្រោម៖