សៀងហៃ៖ កងកម្លាំងការពារដែនសមុទ្របានរាយការណ៍នៅថ្ងៃសៅរ៍នេះថា មនុស្សយ៉ាងហោចណាស់ ៨នាក់បានស្លាប់ និង ៦នាក់កំពុងបាត់ខ្លួន ចំណែក ៣នាក់ផ្សេងទៀត ត្រូវបានគេជួយសង្គ្រោះទាន់ពេលវេលា បន្ទាប់ពីមានហេតុការណ៍បុកទង្គិចគ្នារវាងនាវាដឹកប្រេងនិងកប៉ាល់ដឹកជញ្ជូននៅតំបន់ឆ្នេរសមុទ្រ ដែលស្ថិតនៅចម្ងាយជាង ២គីឡូម៉ែត្រ ភាគអាគ្នេយ៍ទន្លេយ៉ាងស្សេ ក្នុងទីក្រុងសៀងហៃប្រទេសចិន កាលពីថ្ងៃព្រហស្បតិ៍កន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមទីភ្នាក់ងារសារព័ត៌មាន CGTN បានឱ្យដឹងថា ហេតុការប៉ះទង្គិចគ្នារវាងនាវាដឹកប្រេងប្រហែល ៣.០០០តោន និងកប៉ាល់ដឹកខ្សាច់ក្រួសនេះ បានកើតឡើងនៅវេលាម៉ោង ៣:៣៩ នាទីព្រឹក (ម៉ោងនៅចិន) ដែលបណ្តាលឱ្យនាវានិងកប៉ាលទាំងពីរគ្រឿងត្រូវឆេះលិច។ រហូតមកទល់ពេលនេះ ក្រុមអ្នកជំនាញកំពុងតែបើកការស៊ើបអង្គេត ដើម្បីរកឱ្យឃើញពីមូលហេតុ ដែលបង្កឱ្យមានគ្រោះថ្នាក់នេះ៕