ភ្នំពេញ៖ សុភមង្គលពិតគឺមិនស្ថិតលើការ បង្ហាញបង្អួតឲ្យអ្នកដទៃបានដឹង ព្រោះរឿងនេះគឹស្ថិតលើមនុស្ស២នាក់ដែលចាប់ដៃសាងវាឡើង ដែលមិនមែនជាការបញ្ចេញឡើងលើបណ្តាញសង្គមឲ្យគេសរសើរ តែនៅក្រៅឈ្លោះគ្នាបែកផ្សែង។

យ៉ាងណាមិញយើងឃើញថា ជីវិតគូរបស់តារាប៉ុន្មានដួងក៏ជាគំរូមួយដល់ហ្វេនៗជាច្រើន ដែលតាំងពីពួកគេរៀបការ ឬរស់នៅជាមួយគ្នា សឹងតែមិនបង្ហាញរូបជួបជុំស្វីតៗនោះឡើយ ពោលគឺពួកគេបង្ហាញតែពេលណាដែលសំខាន់ ដូចជាខួបកំណើតជូនពរដល់មនុស្សជាទីស្រលាញ់ប៉ុណ្ណោះ។

ដោយក្នុងនោះហ្វេនៗជាច្រើនឃើញហើយមិនសរសើរមិនបាននោះទេ ព្រោះមើលទៅតារាទាំងនេះ ពិតជាមានសុភមង្គលឬក្តីសុខពិត មិនក្លែងក្លាយ។ ដោយក្នុងនោះមានដូចជា៖

១) អ្នកនាងសុគន្ធ និសា៖

ពិតណាស់តាំងពីរៀបការមកតារារូបនេះ មិនសូវបង្ហាញឡើយនូវក្តីសុខតាមតែរូបថត ពោលគឺនាងតែងតែបង្ហាញនូវក្តីស្រលាញ់ដល់ស្វាមី​នៅពេលសំខាន់ ដូចជាខួបកំណើតជាដើម។ ហើយពេលនេះឃើញថានាងមានក្តីសុខពិតៗ ដោយស្វាមីតែងតែមើលថែគ្រប់ពេលតែម្តង។

សុគន្ធ និសា
សុគន្ធ និសា និងស្វាមី
សារសុគន្ធ និសា

២) អ្នកនាងឱក សុគន្ធកញ្ញា៖

មិនថាក្រោយរៀបការ ឬមុនរៀបការ ជីវិតតារារូបនេះគឺស្ងប់ស្ងាត់ណាស់ មិនសូវបង្ហាញដូចតារាដទៃ មិនត្រឹមតែប៉ុណ្ណោះឃើញថាបច្ចុប្បន្ននាងទទួលបានក្តីសុខខ្លាំងពីស្វាមី ព្រមទាំងទទួលបានចំណងដៃកូនប្រុសមួយដ៏គួរឲ្យស្រលាញ់។ ពីមួយថ្ងៃទៅមួយថ្ងៃ កាន់តែធ្វើឲ្យហ្វេនច្រណែននឹងក្តីសុខមួយនេះខ្លាំងតែម្តង។

ឱក សុគន្ធកញ្ញា និងស្វាមី
ឱក សុគន្ធកញ្ញា និងគ្រួសារ

៣) លោកព្រាប សុវត្ថិ

ស្រលាញ់គ្នារាប់ឆ្នាំ រហូតពេលនេះកូន៣ហើយ តែតារាប្រុសរូបនេះមិនសូវបង្ហាញជ្រុលពេកនោះទេ ពោលមានតែពេលដើរលេងជួបជុំគ្នាទើបលោក បង្ហាញម្តង។ រហូតមកទល់ពេលនេះកូន៣ហើយ ជីវិតគ្រួសារតារាប្រុសរូបនេះ ត្រូវបានមហាជនសរសើរមិនដាច់ពីមាត់ទេ។

ព្រាប សុវត្ថិ
ព្រាប សុវត្ថិ និងភរិយា

៤) លោក ខេមរៈ សិរីមន្ត៖ 

ពិតណាស់ តារារូបនេះមិនត្រឹមតែបង្ហើបរឿងមានប្រពន្ធប៉ុន្មានឆ្នាំមកនេះទេ តែជីវិតឯកជនរបស់លោកមិនសូវជាបង្ហាញខ្លាំងដូចអ្នកដទៃ តែមកដល់ពេលនេះកូនៗកាន់តែធំ លោកកាន់តែថ្នាក់ថ្នម មើលថែកូនៗ និងភរិយា យ៉ាងពោរពេញដោយភាពកក់ក្តៅ៕

 ខេមរៈ សិរីមន្ត
 ខេមរៈ សិរីមន្ត និងភរិយា

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ខេមរៈ​ សិរីមន្ត