យល់ដឹង៖ មនុស្សភាគច្រើន ប្រហែលជាមិនដឹងនោះទេថា ទម្លាប់ប្រចាំថ្ងៃមួយចំនួន វាអាចបំផ្លាញនៅ សុភមង្គលផ្លូវចិត្តរបស់យើង និងការអភិវឌ្ឍន៍ខ្លួន ទៅមុខរបស់យើងដោយមិនដឹងខ្លួនបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទម្លាប់ទាំងនោះ មិនមែនថាអាក្រក់ខ្លាំងនោះទេ ក៏ប៉ុន្តែវាមានឥទ្ធិពល ម្តងបន្តិចៗ លើសុភមង្គលរបស់អ្នក ហើយអ្នកក៏គួរតែធ្វើការ កែតម្រូវខ្លះ ប្រសិនបើទម្លាប់ទាំងនោះ មិនផ្តល់ជាលទ្ធផល ដែលយើងត្រូវការទេនោះ ព្រោះបើមិនដូច្នេះទេ វាប្រៀបដូចជាជណ្តើរយន្ត ដែលទាញសណ្តោងអ្នក ទម្លាក់ក្នុងបញ្ហា មិនចេះចប់មិនចេះហើយ ដូចគ្នាដែរ។
ត្រូវចាំថា ជីវិតរបស់យើងខ្លីខ្លាំងណាស់ គ្មានអ្នកណាដែលដឹងថា នៅថ្ងៃស្អែក មានអ្វីកើតឡើងនោះទេ៕ ដូច្នេះប្រសិនបើ អ្នកនៅវិលវល់ នឹងទម្លាប់ដែលតែងតែ ធ្វើឲ្យអ្នកគ្មានក្តីសុខ ទាំងនោះទៀត តើមានប្រយោជន៍អ្វីទៅ?
ទម្លាប់ដែលប៉ះពាល់ដល់ភាពរីករាយរបស់អ្នកមានអ្វីខ្លះសូមទៅតាមដានទាំងអស់គ្នា៖
១. ព្យាយាមលាក់បាំងអារម្មណ៍អវិជ្ជមាន
កុំយំ, កុំខឹងបែបនេះ, កុំធ្វើមុខក្រៀមក្រំបែបនេះ... នេះជាអ្វីដែល យើងតែងតែលឺឳពុកម្តាយមួយចំនួន និយាយមកកាន់យើង កាលនៅពីក្មេង។ ហេតុដូច្នេះហើយ ទើបបានជារហូតដល់ធំឡើង វាក៏ក្លាយទៅជាទម្លាប់លាក់បាំង អារម្មណ៍អវិជ្ជមាន បែបនេះរហូត។ ទោះយ៉ាងណាក៏ដោយ អត្តចរិតនេះនឹងជា បទពិសោធន៍ដ៏អាក្រក់បំផុតមួយ ក្នុងជីវិតរបស់យើង។
យោងតាម អ្នកជំនាញបានលើកឡើងថា វាមិនល្អនោះទេ ដែលយើងតែងតែព្យាយាមលាក់បាំង នៅអារម្មណ៍មិនល្អទាំងនោះ ទុកក្នុងខ្លួនច្រើនពេក ព្រោះបើដល់ដំណាក់កាលមួយ អ្នកអាចនឹងធ្លាក់ខ្លួន ទៅជាជំងឺផ្លូវចិត្ត ដូច្នេះដើម្បី ចៀសវាងបញ្ហាទាំងនេះ អ្នកគួរតែព្យាយាម បញ្ចេញអារម្មណ៍ទាំងនោះ ចេញមកក្រៅតាមរយៈ សកម្មភាពជាច្រើន ដូចជា ការរាំ ការតាំងសមាធិ ហាត់ប្រាណជាដើម។
២. មិនចង់ធ្វើឲ្យមានកំហុស
កុំភ្លេចថា របស់របរមួយចំនួន ដែលមនុស្សរុករកឃើញ ហើយផ្លាស់ប្តូរ ការរស់នៅរបស់យើងសព្វថ្ងៃ គឺបង្កើតបានមកពី ភាពចៃដន្យ។ តើអ្នកនឹង សប្បាយចិត្តដែលទេនៅពេលដែល អ្នកព្យាយាមប្រាប់អ្នកដទៃថា អ្នកជាមនុស្សដែលល្អឥតខ្ចោះ? ចម្លើយប្រាកដជា មិននោះទេ ព្រោះអ្នកប្រាកដជាភ័យខ្លាច បារម្ភថាខ្លួនធ្វើមិនបាន ល្អដូចអ្វីដែល បានលើកឡើង។ ជាការពិត ការធ្វើឲ្យមានកំហុស មិនមែនអាក្រក់ ទាំងអស់នោះទេ អនុញ្ញាតឲ្យខ្លួនឯង ធ្វើខុសខ្លះ ក៏ប៉ុន្តែវាចាំបាច់ដែល អ្នកត្រូវតែសិក្សាពី បទពិសោធន៍ទាំងនោះ មិនចាំបាច់ខំប្រឹង ធ្វើឲ្យខ្លួនឯងល្អឥតខ្ចោះនោះទេ ព្រោះអ្នកនឹង ធ្វើឲ្យខ្លួនឯងមាន ហត់នឿយខ្លាំងណាស់ នៅពេលដែលខំប្រឹង ធ្វើខ្លួនឯងល្អឥតខ្ចោះ ស្ទើតែគ្រប់ពេលបែបនេះ។
៣. គុំគួនជាប់ក្នុងចិត្ត
រឿងដំបូងអ្នកត្រូវដឹងថា ការដែលខំប្រឹង ខឹងស្អប់នរណាម្នាក់ អ្នកនឹងមានផលប៉ះពាល់អវិជ្ជមាន ដល់សុខភាព របស់អ្នកខ្លាំងណាស់។ ទី២៖ អ្នកត្រូវតែយល់ថា វាអាចនឹងបង្កទៅជាបញ្ហា កាន់តែធ្ងន់ធ្ងរ ពេលដែលអ្នកព្យាយាម ឳបក្រសោបនៅកំហឹងនិង ការគុំគួន នៅក្នុងខ្លួនច្រើនពេក។ ដូច្នេះ នៅពេលដែលមាន នរណាម្នាក់និយាយថាអ្នកមិនល្អ ជំនួសឲ្យអារម្មណ៍ខឹង អ្នកត្រូវតែព្យាយាម កែតម្រូវឲ្យបានកាន់តែល្អ និងព្យាយាមបញ្ជាក់ឲ្យ ពួកគេដឹងថា អ្វីដែលពួកគេ និយាយនោះគឺខុស។ អ្នកត្រូវគិតថា ប្រសិនបើអ្នករវល់តែ យកពេលវេលា ចំណាយទៅលើការខឹង និងគុំគួនអ្នកដទៃ តើអ្នកមានពេលមកពីណា សម្រាប់កសាង សុភមង្គលសម្រាប់ខ្លួនឯង។ ជាមនុស្សគ្មានអ្នកល្អឥតខ្ចោះ ដឹងត្រឹមថា ខ្លួនយើងល្អទៅបានហើយ មិនចាំបាច់ទៅធ្វើ នៅអំពើដែលយើងមិនចូលចិត្ត តបទៅអ្នកទាំងនោះវិញទេ។
៤. ប្រៀបធៀបការជោគជ័យជាមួយអ្នកដទៃ
នេះជាសម័យ នៃបណ្តាញសង្គម វាប្រាកដជាពិបាក ក្នុងការដែលមិនឲ្យ យើងគិតប្រៀបធៀប កំរិតភាពជោគជ័យ ជាមួយអ្នកដទៃណាស់។ អាចនិយាយបានថា សម្លៀកបំពាក់ដែល យើងពាក់មិនថ្លៃ និងប្រ៊េនដូចអ្នកដទៃផ្សេងទៀត ដែលបង្ហោះលើបណ្តាញសង្គម ដំណើរកម្សាន្ត របស់យើងមិនថ្លៃ និងមើលទៅមិនរ៉ូមេទិក ដូចមិត្តភក្តិផ្សេងទៀត ដែលតែងតែបង្ហោះ... តែពេលខ្លះ អ្នកអាចនឹងមាន សុភមង្គលជាងអ្នកទាំងនោះ ក៏ថាបាន ដូច្នេះសូមកុំប្រៀបធៀប នៅអ្វីដែលខ្លួនកំពុងមាន នឹងអ្នកដទៃ រឹតតែកុំ បណ្តោយឲ្យបណ្តាញសង្គម ធ្វើឲ្យអ្នកមិនសប្បាយចិត្ត រៀនប្រឈមមុខនឹងការពិត កុំរវល់តែយកពេលទៅមើល អ្នកដទៃច្រើនពេក រហូតភ្លេចស្វែងរកសុភមង្គល ឲ្យខ្លួនឯង។
៥. ស្តាប់តែលើមតិរបស់អ្នកដទៃ
សាកល្បង គិតខ្លួនឯងទៅមើលថា ជាញឹកញាប់អ្នកតែងតែ ខ្វល់ខ្វាយពីការគិត របស់អ្នកដទៃមកលើអ្នក តើវាធ្វើឲ្យអ្នកមាន ភាពរីករាយដែលឬទេ?
យោងតាមចិត្តវិទ្យា បានឲ្យដឹងថា អ្នកដែលតែងតែ ពឹងផ្អែកលើការគិត របស់អ្នកដទៃជាធំនោះ គឺពួកគេងាយនឹង មានអារម្មណ៍ខ្វល់ខ្វាយច្រើន និងធុញថប់ បាក់ទឹកចិត្តថែមទៀតផង។ ដូច្នេះ អ្នកគួរតែសួរខ្លួនឯង ឡើងវិញថា៖ តើអ្នកពិតជាចង់ធ្វើអ្វីៗ តែសម្រាប់តែ ផលប្រយោជន៍ អ្នកដទៃមែនទេ? អ្នកអាចផ្តល់ចម្លើយ ឲ្យខ្លួនឯងថា អ្នក «រស់នៅដើម្បីខ្លួនឯង» ឬក៏ «រស់នៅដើម្បីអ្នកដទៃ» ។
៦. ធ្វើឲ្យអតីតកាលនិងអនាគតបំផ្លាញជីវិតបច្ចុប្បន្ន
ជាការពិតណាស់ កាលដែលគិតពី អតីតកាលនិងអនាគត មិនមែនជាអ្វីដែលធ្វើឲ្យ យើងធុញទ្រាំនោះទេ ប៉ុន្តែកុំបណ្តោយឲ្យ ខ្លួនឯងជាប់គាំង នៅក្នុងការគិតទាំងនោះ។ កុំសោកស្តាយ នៅអ្វីដែលបានកើតឡើង នៅអតីតកាល ហើយក៏កុំព្យាយាម គិតនៅរឿងអ្វី ដែលមិនទាន់កើតឡើង នៅក្នុងអនាគត ព្រោះពេលខ្លះ វាបានត្រឹមតែធ្វើឲ្យ យើងស្មុគស្មាញ មានបញ្ហាកាន់តែច្រើន អ្វីដែលយើងត្រូវគិតនោះគឺ បច្ចុប្បន្នកាល ព្យាយាម ធ្វើវាឲ្យបានល្អ រីករាយជាមួយបច្ចុប្បភាព ដែលខ្លួនមាន កុំបណ្តោយឲ្យវាក្លាយជា អតីតកាលស្តាយ ក្រោយបន្តទៀត។
៧. ធ្វើខ្លួនជាជនរងគ្រោះ
កាលដែលធ្វើឲ្យ នរណាម្នាក់ ឬកាលៈទេសៈអ្វីមួយ ជាបុព្វហេតុនៃ ការបង្កនៅបង្ហាញរបស់អ្នក នឹងបានត្រឹមតែ ធ្វើឲ្យខ្លួនឯង មិនសប្បាយចិត្តតែប៉ុណ្ណោះ។
ឧទាហរណ៍ នៅពេលដែល អ្នកទៅធ្វើការយឺត អ្នកគិតថា វាមិនមែនជាកំហុសរបស់អ្នកនោះទេ តែវាមកពី ការស្ទះចរាចរណ៍ យោងតាមស្ថានភាពបែបនេះ អ្នកនឹងតែងតែគិតថា គ្រប់យ៉ាងគឺចាប់ផ្តើម មានភាពអយុត្តិធម៌ និងមានសំណាងអាក្រក់ជាដើម។ ក៏ប៉ុន្តែ ប្រសិនបើអ្នកព្យាយាមគិត ឲ្យបានស៊ីជម្រៅជាងនេះ នៅពេលដែលអ្នកនិយាយ ពីការមកយឺត ដោយសារតែ ការស្ទះចរាចរណ៍ ជាការពិត អ្នកមិនអាចកែប្រែ អ្វីបាននោះទេ តើអ្នកនឹងធ្វើយ៉ាងដូចម្តេច នៅថ្ងៃស្អែក ថ្ងៃខានស្អែក ហើយតើអ្នកនឹងធ្វើយ៉ាងដូចម្តេច ប្រសិនបើការស្ទះមិនមែនតែ មួយថ្ងៃៗពីរថ្ងៃ? ត្រឡប់មកវិញ ប្រសិនបើអ្នកមានទំនួលខុសត្រូវ ដឹងថាការមកយឺត ព្រោះតែអ្នកខ្លួនឯង អ្នកនឹងមានជម្រើសជាច្រើន ដោយការព្យាយាមងើប ពីគេងឲ្យលឿនជាងមុន ឆាប់ចេញពីផ្ទះមុនពេលដែលមាន ការកក់ស្ទះចរាចរណ៍ខ្លាំង។ ព្យាយាមសង្កេតមើល គ្រប់យ៉ាងដែលកើតឡើង ក្នុងជីវិតពីអ្នកខ្លួនឯង អ្នកនឹងសម្លឹងមើលឃើញ ឱកាសជំនួសដោយរនាំង។