គោជាច្រើនក្បាលត្រូវគេស្ទូចចុះមកក្រោមវិញ បន្ទាប់ពីហែលឡើងលើដំបូលផ្ទះពេលមានទឹកជំនន់ ហើយរកផ្លូវចុះមិនឃើញពេលទឹកស្រក

កូរ៉េខាងត្បូង៖ សត្វគោជាច្រើនក្បាល ត្រូវបានគេមើលឃើញថា កំពុងតែជាប់គាំងនៅលើដំបូលផ្ទះ បន្ទាប់ពីពួកវាបានហែលឡើងទៅទីនោះដើម្បីស្វែងរកទីទួលសុវត្ថិភាព ដោយសារតែទឹកបានជន់លិចតំបន់កសិកម្មមួយ ដែលស្ថិតនៅភាគខាងត្បូងនៃប្រទេសកូរ៉េ កាលពីសប្ដាហ៍មុន។

ជាក់ស្ដែង បើយោងតាមរូបភាពប៉ុន្មានសន្លឹកបានបង្ហាញថា គោពណ៌ក្រហមជាង១០ក្បាល កំពុងជាប់នៅលើដំបូលផ្ទះ និងមិនអាចចុះមកក្រោមវិញបាន បន្ទាប់ពីទឹកជំនន់បានស្រកអស់។ ហើយជុំវិញករណីនេះដែរ អ្នកស្រុកម្នាក់បានប្រាប់ប៉ុស្ដិ៍ទូរទស្សន៍ JTBC ថា៖

តែយ៉ាងណាមិញ ក្រុមអ្នកជួយសង្គ្រោះក៏បានធ្វើការស្ទូចពួកវាចុះវិញ ម្ដងមួយៗ ដោយសុវត្ថិភាពផងដែរ។ ប៉ុន្ដែ បន្ទាប់ពីបានត្រឡប់មកដល់ជម្រកដើមវិញ សត្វគោជាច្រើន ត្រូវគេរាយការណ៍ថាបានចេញរោគសញ្ញាជំងឺសួត។

គួរឲ្យដឹងដែរថា ប្រទេសកូរ៉េខាងត្បូងបានរងការជន់លិច ដោយសារភ្លៀងធ្លាក់ខ្លាំងជាច្រើនសប្ដាហ៍ ដែលបង្កឲ្យទឹកជំនន់រីករាលដាល និងបណ្ដាលឲ្យមនុស្សយ៉ាងតិច៣០នាក់ស្លាប់ ដោយគិតចាប់តាំងពីដើមខែនេះមក៕

សូមទស្សនារូបភាពខាងក្រោម៖