កាលពីថ្ងៃអាទិត្យនេះក្រុម Atletico Madrid បានធ្វើតេស្តរកឃើញវីរុសកូវីដ-១៩ ចំនួន ២ ករណីមុនពួកគេត្រូវធ្វើដំណើរទៅកាន់ប្រទេសព័រទុយហ្គាល់ដើម្បីលេងវគ្គ ៨ ក្រុមចុងក្រោយសម្រាប់ពានរង្វាន់ UEFA Champion League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវគ្គ ៨ ក្រុមចុងក្រោយសម្រាប់ UEFA Champion League នឹងចាប់ផ្តើមនាអំឡុងថ្ងៃពុធ នៅទីក្រុង Lisbon ដោយក្រុមទាំងអស់ត្រូវលេងនៅទីនោះ ដើម្បីបង្ការពីវីរុសកូវីដ-១៩ នេះ ដោយវគ្គពាក់កណ្ដាលផ្តាច់ព្រ័ត្រត្រូវលេងនៅទីក្រុង Lisbon ផងដែរនាថ្ងៃទី ២៣ ខែ សីហា ឆ្នាំ ២០២០។
យ៉ាងណាមិញ ក្រុមដែលមានកៅអីលេងវគ្គ ៨ ក្រុមទាំងអស់គឺគ្មានករណីកូវីដ-១៩ ណាកើតឡើងឡើយ។ ដោយឡែកសម្រាប់ក្រុម Atletico Madrid វិញគឺពុំបានបញ្ជាក់ច្បាស់ឡើយថា ករណី កូវីដ-១៩ ដែលខ្លួនរកឃើញនោះគឺជាកីឡាករ ឬក៏ជាបុគ្គលិករបស់ខ្លួនឡើយ។
យោងតាមរបាយការណ៍នោះ ក្រុម Atletico Madrid ទាំងមូលនឹងត្រូវពិនិត្យឡើងវិញម្ដងទៀតមុននឹងធ្វើការចាកចេញទៅទីក្រុង Lisbon ប្រទេសព័រទុយហ្គាល់ដែលពួកគេនឹងត្រូវប៉ះក្រុម RB Leipzig នាថ្ងៃព្រហស្បតិ៍នេះ៕