វិចាយ៉ាវ៉ាដា៖ យ៉ាងហោចណាស់មានអ្នកជំងឺ ១០នាក់បានស្លាប់ និង ២០នាក់ផ្សេងទៀតបានរងរបួស បន្ទាប់ពីអគ្គិភ័យបានឆាបឆេះឡើង នៅមន្ទីរពេទ្យព្យាបាលអ្នកជំងឺកូវីដ១៩បណ្តោះអាសន្នមួយ ក្នុងទីក្រុង វិចាយ៉ាវ៉ាដា (Vijayawada) ភាគអាគ្នេយ៍ប្រទេសឥណ្ឌា។ នេះបើតាមការផ្សាយរបស់ទីភ្នាក់ងារសារព័ត៌មាន BBC ថ្ងៃទី៩ ខែសីហា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអាជ្ញាធរក្នុងតំបន់បានឱ្យដឹងថា សណ្ឋាគារ Swarna Palace ដែលត្រូវគេកែប្រែទៅជាមន្ទីរពេទ្យដាក់អ្នកជំងឺកូវីដ១៩ បានឆាបឆេះឡើងកាលពីព្រឹកថ្ងៃអាទិត្យ ហើយក្រោយពីការចុះអន្តរាគមន៍បាញ់ទឹកពន្លត់ពីសំណាក់ក្រុមអ្នកពន្លត់អគ្គិភ័យអស់រយៈពេលកន្លះម៉ោងរួចមក អគ្គិភ័យបានរលត់ទាំងស្រុង ចំណែកអ្នកជំងឺទាំងអស់ ត្រូវបានគេបញ្ជូនទៅព្យាបាលបន្តនៅមន្ទីរពេទ្យផ្សេងទៀត។
គួរឱ្យដឹងដែរថា មូលដែលបង្កឱ្យមានគ្រោះអគ្គិភ័យនេះ គេនៅមិនទាន់ដឹងច្បាស់នៅឡើយទេ។ ហើយទន្ទឹមនឹងនេះ អាជ្ញាធរឥណ្ឌាក៏បានធ្វើការប្រកាស ថានឹងផ្តល់ជំនួយទៅដល់សាច់ញាតិជនរងគ្រោះចំនួន ៥លានរូពី (ឬប្រមាណ ៦៦,៦៥៦ដុល្លារ) ដើម្បីយកទៅដោះស្រាយបញ្ហាជីវិតភាព៕
សូមទស្សនាវីដេអូខាងក្រោម៖