មូស្គូ៖ ទីភ្នាក់ងារសារព័ត៌មាន Reuters បានរាយការណ៍នៅថ្ងៃសុក្រនេះថា អាជ្ញាធរប្រទេសរុស្ស៊ីបានរកឃើញអ្នកឆ្លងជំងឺកូវីដ១៩ថ្មីចំនួន ៥,២៤១នាក់ ដែលធ្វើឱ្យតួលេខអ្នកជំងឺសរុបនៅក្នុងប្រទេសនេះ បន្តកើនឡើងរហូតដល់ ៨៧៧,១៣៥នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រភពខាងលើបានឱ្យដឹងទៀតថា ត្រឹមរយៈពេល ២៤ម៉ោង មានមនុស្ស ១១៩នាក់ បានស្លាប់បាត់បង់ជីវិត ដែលធ្វើឱ្យចំនួនអ្នកស្លាប់សរុបឡើងដល់ ១៤,៧២៥នាក់ ខណៈអ្នកជាសះស្បើយពីជំងឺ បានកើនដល់ ៦៨៣,៥៩២នាក់។
គួរឱ្យដឹងផងដែរថា បច្ចុប្បន្នប្រទេសរុស្ស៊ីបានឈរនៅចំណាត់ថ្នាក់ទី៤ ក្នុងចំណោមប្រទេសរងគ្រោះខ្លាំងនៅទូទាំងពិភពលោក។ ហើយទីតាំងដែលមានករណីឆ្លងច្រើនជាងគេនៅក្នុងប្រទេសរុស្ស៊ីរួមមាន រដ្ឋធានីមូស្គូ ទីក្រុង Khanty-Mansiysk និងទីក្រុង Sverdlovsk ៕
Bong I.T