អេស៉្បាញ៖ បន្ទាប់ពីចំណាយពេល៧ឆ្នាំជាមួយក្លិប Real Madrid ឈ្នះពាន១៣គ្រឿង និងស៊ុតបាន១០០គ្រាប់ជាងនោះ ខ្សែប្រយុទ្ធ Gareth Bale កំពុងតែធ្លាក់កូដខ្លាំងនៅក្នុងរដូវកាល២០១៩-២០២០នេះ។ មិនត្រឹមតែប៉ុណ្ណោះរូបគេអាចនឹងមានភាគរយច្រើនក្នុងការចាកចេញពីក្លិបម្ចាស់ជើងឯក La Liga នៅទីផ្សារដោះដូរកីឡាកររដូវក្ដៅនេះទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរឲ្យដឹងដែរថា Bale ចូលលេងឲ្យ Real Madrid បានតែ១៦ប្រកួតប៉ុណ្ណោះនៅក្នុងរដូវកាល២០១៩/២០។ ទន្ទឹមនឹងមិនបានចូលលេងនៅប៉ុន្មានប្រកួតចុងក្រោយ ឃើញថាតារាសញ្ជាតិវែលស៍រូបនេះ ហាក់ដូចជាលែងខ្វល់ខ្វាយពីអ្នកណាទាំងអស់។ ជាមួយគ្នានេះ Bale ក៏មិនមានឈ្មោះក្នុងបញ្ជីកីឡាកររបស់លោក Zidane ពេលប៉ះជាមួយក្លិប Manchester City យប់នេះដែរ។ ហើយនៅពេលសួរពីមូលហេតុដែលមិនដាក់ Bale ឲ្យលេង លោក Zidane បានឆ្លើយថា៖
យើងមិនអាចនិយាយរឿងផ្ទាល់ខ្លួនរវាងកីឡាករនិងក្លិប ជាសាធារណៈបែបនេះទេ ព្រោះយើងមានការគោរពសិទ្ធគ្នាខ្ពស់។ ប៉ុន្តែអ្វីដែលខ្ញុំអាចនិយាយបាននោះគឺដោយសារតែ Bale បដិសេធមិនព្រមលេងខ្លួនឯងទេ បានជាខ្ញុំមិនដាក់ឈ្មោះគេចូលបែបនេះ៕
ប្រភព៖ givemesport
Bong I.T