ក្រុមតោខៀវ Chelsea កំពុងពិភាក្សាយ៉ាងប្រញាប់ដើម្បីចុះហត្ថលេខាយកខ្សែការពារស្លាបឆ្វេងរបស់ Real Madrid រូបនេះ

ក្រុមតោខៀវ Chelsea សង្ឃឹមថានឹងអាចចុះហត្ថលេខាយកកីឡាករ Sergio Reguilon ពីក្រុម Real Madrid ។ ខ្សែការពារឆ្វេងរូបនេះបានចំណាយមួយរដូវកាលក្នុងលក្ខខណ្ឌខ្ចីជើងនៅក្លិប Sevilla ជាកន្លែងដែលគាត់បានទាក់ទាញចំណាប់អារម្មណ៍ជាខ្លាំង។

ឥឡូវនេះកីឡាករវ័យ ២៣ ឆ្នាំរូបនេះគឺជាគោលដៅចម្បងរបស់ក្រុមតោខៀវ នេះបើយោងតាមកាសែត ESPN ។ ប្រភពដដែលបានអះអាងថា ក្លិបតោខៀវកំពុងតែព្យាយាមពិក្សាជាមួយ Leicester City ក្នុងការនាំយក Ben Chilwell ហើយពេលនេះក្លិបតោខៀវក៏មានជំហានបន្ទាប់ក្នុងការនាំយក Reguilon ឬក៏អាចជាយុទ្ធសាស្ត្រដើម្បីធ្វើឱ្យតម្លៃផ្ទេររបស់ Chilwell ធ្លាក់ចុះ។

ការនាំយកខ្សែការពារស្លាបឆ្វេងសញ្ជាតិអេស្ប៉ាញរូបនេះមកទឹកដី Stamford Bridge អាចជាលក្ខខណ្ឌខ្ចីជើងរយៈពេលមួយឆ្នាំ ឬអាចទិញផ្តាច់ក្នុងតម្លៃប្រហែល ២៥ លានផោនក៏ថាបាន៕

ប្រភព៖ Tribal Football