អ៊ីតាលី៖ បន្ទាប់ពីជួយឲ្យក្លិប Juventus ក្លាយជាម្ចាស់ពានរង្វាន់ Serie A លើកទី៩ជាប់ៗគ្នានៅក្នុងរដូវកាលនេះ កីឡាករ Paulo Dybala បានជាប់ឈ្មោះជាកីឡាករល្អបំផុតប្រចាំលីគកំពូលរបស់អ៊ីតាលីមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ២៦ឆ្នាំ បង្ហាញទម្រង់លេងបានយ៉ាងល្អឥតខ្ចោះឲ្យក្រុមរបស់លោក Maurizio Sarri ដោយអាចរកបានចំនួន១១គ្រាប់ និងបោះបាល់ឲ្យដៃគូបញ្ចប់ទីបាន១១លើក រួមជាមួយនឹងការបង្កើតឱកាសល្អជាច្រើនទៀតឲ្យមិត្តរួមក្រុម។
ដោយឡែកបើទោះបីជាស៊ុតបានច្រើនជាង Dybala ក៏ពិតមែន ប៉ុន្តែ Ronaldo មិនអាចវ៉ាដាច់ដៃគូប្រយុទ្ធរបស់ខ្លួនរូបនេះក្នុងការឈ្នះពានរង្វាន់ MVP មួយនេះបានទេ។ យ៉ាងណាមិញ កីឡាករទាំងពីរនេះបានបង្ហាញឲ្យគ្រប់គ្នាឃើញពីការសហការណ៍គ្នាបានយ៉ាងល្អក្នុងការរកជ័យជម្នះឲ្យ Juventus នៅក្នុងរដូវកាល២០១៩-២០២០នេះ៕
ប្រភព៖ goal