ក្លិបបិសាចក្រហម Manchester United កាន់តែ ឈានដល់ការព្រមព្រៀងលក់ចេញខ្សែប្រយុទ្ធម្នាក់នេះ

ក្រុមបិសាចក្រហម Manchester United កំពុងតែស្ថិតក្នុងដំណាក់កាលល្អប្រសើរក្នុងការលក់កីឡាករ Alexis Sanchez ទៅឱ្យក្លិបយក្សអ៊ីតាលី Inter Milan ។

តាមរបាយការណ៍ពី Corriere della Sera បានលើកឡើងថា ប្រធានផ្នែកកីឡារបស់ Inter លោក Beppe Marotta បានយល់ព្រមលើកិច្ចព្រមព្រៀងជាមួយ United ដែលនឹងផ្តល់ជូននូវតម្លៃផ្ទេរ ១៣.៥ លានផោន។

ការផ្ទេរនេះនឹងត្រូវប្រកាសជាផ្លូវការ បន្ទាប់ពីការប្រកួតពានរង្វាន់ Europa League របស់ក្លិប Inter ទល់នឹងក្រុម Getafe នៅថ្ងៃពុធនេះ ដែលក្នុងនោះគាត់ក៏មានឈ្មោះក្នុងបញ្ជីកីឡាករផងដែរក្នុងការប្រកួតចុងក្រោយនៃក្របខ័ណ្ឌ Serie A កាលពីថ្ងៃចន្ទនេះ។

វានឹងក្លាយជាការធូរស្បើយយ៉ាងខ្លាំងសម្រាប់ក្រុមបិសាចក្រហមដែលមានភារកិច្ចផ្តល់ប្រាក់សប្តាហ៍ដល់ Sanchez រហូតដល់ ៣៥០,០០០ ផោនក្នុងមួយសប្តាហ៍នៅ Old Trafford ខណៈដែលគាត់មិនបានលេងទាល់តែសោះ។

Inter បានចំណាយប្រហែល ១៥០,០០០ ផោនក្នុងមួយសប្តាហ៍លើប្រាក់ឈ្នួលគាត់ ប៉ុន្តែក្លិបហាក់មិនចង់បង់ប្រាក់ពេញនោះទេ បើគាត់ចុះកុងត្រាជាមួយក្លិបនោះ៕

ប្រភព៖ Tribal Football