ខុនដូតម្លៃរាប់ម៉ឺនរបស់ Ploy រៀបចំហើយប្រណីតខ្លាំងដូចសណ្ឋាគារផ្កាយ៥

ថៃ៖ ចាប់តាំងពីបានរៀបការជាមួយនឹងស្វាមី ដែលជាអ្នកជំនួញ ព្រមទាំងជាអ្នកមានស្ដុកស្ដម្ភ រួចមក ជីវិត របស់ តារាសម្ដែងស្រី Ploy Chidjun កាន់តែមានភាពឡូយឆាយ ជាពិសេស ថែមទាំងទទួលបានក្ដីស្រលាញ់និង ថ្នាក់ថ្នមពីស្វាមីរបស់នាង ដែលខណៈពេលនេះ អ្នកទាំងពីរ មានកូនប្រុសស្រីដល់ទៅ ៤ នាក់​ផងដែរ។

មិនត្រឹមតែប៉ុណ្ណោះ អ្វីដែលគួរឲ្យកត់សម្គាល់ កាលពីមួយរយៈកន្លងទៅនេះ គឺតារាស្រីរូបនេះ ធ្លាប់បានបើកបង្ហាញពី ផ្ទះដ៏ប្រណីតរបស់ខ្លួនដែលមានជាច្រើនកន្លែង ធ្វើឲ្យហ្វេនៗជាច្រើនមានការចាប់អារម្មណ៍ំយ៉ាងខ្លាំង ចំពោះផ្ទះរបស់នាង ថែមទៀតផង។ ដោយឡែក កាលពីថ្មីៗនេះវិញ Ploy ក៏បានឲ្យឃើញពីទិដ្ឋភាព នៅក្នុងខុនដូ​របស់នាងវិញម្ដង ដែលទើបនឹងរៀបចំតុបតែងរួចរាល់។ 

ខុនដូដ៏ប្រណីតមួយនេះ គឺមានទីតាំងស្ថិតនៅចំកណ្តាលទីក្រុង ដែលនាង បានទិញ និងធ្វើការតុបតែងប្រហែលជាមួយឆ្នាំ ដោយធ្វើការជួសជុលថ្មីទាំងមូលតែម្ដង ។ ចំពោះផ្នែកខាងក្នុង ត្រូវបានរចនាជាមួយនឹងផ្ទៃជញ្ជាំងពណ៌សភ្លឺថ្លា និងមានភាពទាន់សម័យ សម្រាប់ថតរូបស្អាតៗថែមទៀតផង រួមទាំងមានការតុបតែង ជាមួយនឹងគ្រឿងសង្ហារឹមជាច្រើន ដែលមើលទៅពិតជាសាកសមឥតខ្ចោះ ផងដែរ។ 

រីឯបន្ទប់គេងវិញ ក៏មិនអន់ប៉ុន្មានជាមួយនឹងកន្លែងទទួលភ្ញៀវ ដោយមានការរៀបចំគ្រែយ៉ាងធំ ជាពិសេស ថែមទាំងមានគ្រែ ២ ជាន់ ២ ផ្សេងទៀត សម្រាប់កូនៗរបស់នាង ផងដែរ ហើយចំពោះ បន្ទប់ទឹកវិញ ក៏បានរៀបចំយ៉ាងល្អ មិនខុសពីទីកន្លែងដទៃទៀត ជាមួយនឹងសម្ភារៈយ៉ាងទំនើប ងាយស្រួលក្នុងការប្រើប្រាស់ ផងដែរ៕

សូមទស្សនារូបភាពខាងក្រោម៖