បាងកក៖ អាជ្ញាធរថៃបានរាយការណ៍ថា ជំនន់ទឹកភ្លៀងនៅក្នុងប្រទេសថៃ បានឆក់យកជីវិតមនុស្សយ៉ាងហោចណាស់ ២នាក់ និងបានហូរជន់លិចផ្ទះសម្បែងប្រជាពលរដ្ឋរាប់រយខ្នងនៅខេត្តភាគខាងជើងប្រទេសថៃ ដែលបង្កឡើងដោយសារឥទ្ធិពលខ្យល់ព្យុះស៊ីនឡាគូ (Sinlaku) មកពីប្រទេសវៀតណាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទឹកជំនន់បានហូរនាំទាំងភក់ទៅពន្លិចផ្ទះជាច្រើនខ្នងនៅតាមតំបន់ជនបទកាលពីថ្ងៃអាទិត្យ។ ហើយទន្ទឹមនឹងនោះ ក្រុមទាហានជួយសង្គ្រោះបានប្រើទូកតូចៗ ដើម្បីជួយអ្នកភូមិជាច្រើន ព្រមទាំងបានផ្តល់ជំនួយដល់អ្នករស់នៅក្នុងខេត្ត Loei ដែលជាខេត្តរងគ្រោះធ្ងន់ធ្ងរបំផុត។
ប្រព័ន្ធផ្សព្វផ្សាយក្នុងស្រុករបស់វៀតណាមក៏បានឱ្យដឹងដែរថា ព្យុះស៊ីនឡាគូ បានបោកបក់ទៅលើប្រទេសឡាវ និងវៀតណាម កាលពីថ្ងៃអាទិត្យ ដោយបានសម្លាប់មនុស្ស ២នាក់ នៅខេត្តហ័ប៊ិញ (Hoa Binh) និងក្វាងនិញ (Quang Ninh)។ ហើយអាជ្ញាធរបានព្រមានថា ភ្លៀងធ្លាក់ខ្លាំងអាចបណ្តាលឱ្យមានការបាក់ស្រុតដី និងបង្កជាទឹកជំនន់ភ្លាមៗ នៅខេត្តតាមតំបន់ភ្នំជាច្រើន ដែលស្ថិតនៅភាគខាងជើងប្រទេសវៀតណាម៕