បាងកក៖​ អាជ្ញាធរថៃបានរាយការណ៍ថា ជំនន់ទឹកភ្លៀងនៅក្នុងប្រទេសថៃ បានឆក់យកជីវិតមនុស្សយ៉ាងហោចណាស់ ២នាក់ និងបានហូរជន់លិចផ្ទះសម្បែងប្រជាពលរដ្ឋរាប់រយខ្នង​នៅខេត្តភាគខាងជើងប្រទេសថៃ ដែលបង្កឡើងដោយសារឥទ្ធិពលខ្យល់ព្យុះស៊ីនឡាគូ (Sinlaku) មកពីប្រទេសវៀតណាម។

ព្យុះស៊ីនឡាគូ បាន​បន្តដំណើរឆ្ពោះ​ទៅ​ប្រទេសមីយ៉ាន់ម៉ា កាលពីថ្ងៃច័ន្ទម្សិលមិញនេះ

​ទឹកជំនន់បានហូរនាំទាំងភក់ទៅ​ពន្លិចផ្ទះ​ជាច្រើនខ្នងនៅតាមតំបន់ជនបទកាលពីថ្ងៃអាទិត្យ។ ហើយទន្ទឹមនឹងនោះ ក្រុមទាហានជួយសង្គ្រោះបានប្រើទូកតូចៗ ដើម្បីជួយ​អ្នកភូមិជាច្រើន ព្រមទាំងបាន​ផ្តល់ជំនួយដល់​អ្នករស់នៅក្នុងខេត្ត Loei ដែលជា​​ខេត្តរងគ្រោះធ្ងន់ធ្ងរបំផុត។

ទាហានជម្លៀសអ្នកភូមិ ដែលរងផលប៉ះពាល់ ដោយសារភ្លៀងធ្លាក់ខ្លាំង

ប្រព័ន្ធផ្សព្វផ្សាយក្នុងស្រុករបស់​វៀតណាមក៏បានឱ្យដឹងដែរថា ព្យុះស៊ីនឡាគូ បានបោកបក់ទៅលើប្រទេសឡាវ និងវៀតណាម កាលពីថ្ងៃអាទិត្យ ដោយបានសម្លាប់មនុស្ស ២នាក់​ នៅខេត្តហ័ប៊ិញ (Hoa Binh) និងក្វាងនិញ (Quang Ninh)។ ហើយអាជ្ញាធរ​បាន​ព្រមានថា ភ្លៀងធ្លាក់ខ្លាំងអាចបណ្តាលឱ្យមាន​ការបាក់ស្រុតដី និងបង្កជាទឹកជំនន់ភ្លាមៗ នៅខេត្តតាមតំបន់ភ្នំជាច្រើន ដែលស្ថិតនៅភាគខាងជើង​ប្រទេសវៀតណាម៕

​បង្គោលភ្លើង និងផ្ទះសម្បែងជាច្រើន ត្រូវរងការខូចខាត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ