អង់គ្លេស៖ កីឡាករ Kevin de Bruyne ត្រូវបានគេមើលឃើញថាជាកូនសោរដ៏សំខាន់មួយដែលធ្វើឲ្យ Manchester City មានសង្ឃឹមក្នុងការឈ្នះពាន UEFA Champions League ជាលើកដំបូងរបស់ក្លិបនៅរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMan City នឹងត្រូវប៉ះជាមួយ Real Madrid នៅជើងទី២វគ្គ១៦ក្រុមចុងក្រោយនៅប៉ុន្មានថ្ងៃខាងមុខនេះ ក្រោយឈ្នះក្លិបអេស៉្បាញមួយនេះ២-១កាលពីជើងទី១។
ដោយឡែកអតីតខ្សែប្រយុទ្ធឆ្នើមរបស់ Manchester United គឺកីឡាករ Wayne Rooney បានធ្វើការសសើរមិនដាច់ពីមាត់នោះទេពីគុណភាពនៃការលេងរបស់ De Bruyne ។
នៅពេលដែលលេងប៉ះជាមួយ De Bruyne ធ្វើឲ្យខ្ញុំនឹកឃើញដល់ Steven Gerrard និង Ryan Giggs តែម្តង។ ការទាញនិងការបោះបាល់របស់កីឡាកររូបនេះ វាស្រដៀងទៅនឹងអ្វីដែល Gerrard ធ្លាប់ធ្វើអ៊ីចឹង ហើយអ្វីដែលខ្ញុំចូលចិត្តជាងគេនោះគឺរូបគេចូលចិត្តបោះបាល់ឆ្ងាយរំលងខ្សែការពារ២ទៅបីនាក់។ ដោយឡែកអ្វីដែលដូច Ryan Giggs នោះគឺរូបគេពូកែរកចន្លោះដើម្បីបោះបាល់ឲ្យខ្សែប្រយុទ្ធងាយស៊ុត។ ហើយមែនទែនទៅ ការដែលលេងទល់មុខជានឹងកីឡាកររូបនេះវាមិនមែនជារឿងងាយស្រួលនោះទេ៕
ប្រភព៖ mirror
Bong I.T