ភ្នំពេញ៖ កាលពី​យប់ ​រំលង​អាធ្រាត្រ​ថ្ងៃទី​៣១ ខែ​កក្កដា ឆ្នាំ​២០២០ ឈាន​ចូល​ថ្ងៃទី​១ ខែសីហា ​កន្លងទៅនេះ មានអ្នកលេងបណ្ដាញសង្គម និង អ្នកដែលស្ថិតក្នុងរង្វង់សិល្បៈជាច្រើន មានការភ្ញាក់ផ្អើល និងសម្ដែងក្ដីសោកស្ដាយជាខ្លាំង ក្រោយដំណឹងមរណភាពម្ដាយរបស់តារាសម្ដែងស្រី ទឹម រដ្ឋា និង ទឹម វត្តី ដោយម្ដាយរបស់តារាស្រីពីររូបនេះ បានបាត់បង់អាយុជីវិត ដោយសារគាំងបេះដូង។

នៅក្នុងនោះផងដែរ តាមរយៈដំណឹងដ៏ក្ដុកក្ដួលមួយនេះ ពិតជាអ្វីដែលមនុស្សគ្រប់គ្នាមិនអាចទទួលយកបានភ្លាមៗនោះទេ ដែលនៅសុខៗក៏ត្រូវបានបាត់បង់មនុស្សជាទីស្រលាញ់ ត្រូវឃ្លាតឆ្ងាយគ្មានថ្ងៃត្រឡប់បែបនេះ។

ជាក់ស្ដែង យើងឃើញថា កញ្ញា ទឹម រដ្ឋា និង ទឹម វត្តី នៅតែមិនទាន់ធ្វើចិត្តបានភ្លាមៗនោះទេ ចំពោះការបាត់បង់ម្ដាយដែលធ្លាប់ឪបជាប់នឹងទ្រូងបែបនេះ ដោយក្នុងនោះ ទឹម វត្តី នៅតែយំសោក អាលោះអាល័យ ទន់ខ្លួន ដួលសន្លប់បាត់បង់ស្មារតី ដេកស្ដូកស្ដឹងមិនដឹងខ្លួនថែមទៀតផង ។

ជាមួយគ្នានេះដែរ ក្រោយឃើញបែបនេះហើយ មហាជនកាន់តែសម្ដែងក្ដីអាណិតអាសូរ ស្ទើរទប់ទឹកភ្នែកមិនចង់បាន តែយ៉ាងណាក៏ដោយ នៅតែមានអ្នកផ្ញើពាក្យលើកទឹកចិត្តឲ្យរឹងមាំ ព្រមទាំងពាក្យចូលរួមរំលែកទុក្ខដល់គ្រួសារតារាស្រីរូបនេះជាច្រើនហូរហែរផងដែរ៕

យ៉ាងណាមិញ ខ្មែរឡូត ក៏សូមចូលរួមរំលែកទុក្ខ និង សូមលើកទឹកចិត្តឲ្យដល់គ្រួសារនៃសពផងដែរ។

ទស្សនារូបភាពខាងក្រោម៖

ទឹម រដ្ឋា និងម្ដាយ
ទឹម រដ្ឋា ក្នុងពិធីបុណ្យ
ទឹម រដ្ឋា ក្នុងពិធីបុណ្យ
ទឹម វត្តី សន្លប់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ

ទឹម រដ្ឋា