កម្រឃើញណាស់ ខ្លារខិនខ្មៅមួយក្បាលនេះ ត្រូវបានអ្នកទេសចរ ថតបានក្នុងព្រៃសាហ្វារី

បរទេស៖ កាលពីថ្មីៗនេះ យោងតាមគេហទំព័រល្បីៗលើពិភពលោក បានចុះផ្សាយនូវរឿងរ៉ាវដែល និស្សិតផ្នែកវិស្វកម្មម្នាក់នៅក្នុងប្រទេសឥណ្ឌា បានថតរូបគួរឱ្យភ្ញាក់ផ្អើលនៃ សត្វខ្លារខិនស្បែកខ្មៅដ៏កម្របំផុត នៅលើដែនដីសួនសត្វព្រៃ Safari។

គួរបញ្ជាក់ផងដែរ និស្សិតកម្លោះឈ្មោះ Abhishek Pangis មកពី Pune ភាគខាងលិចនៃរដ្ឋ Maharashtra បានធ្វើដំណើរកម្សាន្ត រយៈពេលពីរថ្ ងៃជាមួយឪពុកម្តាយរបស់គាត់នៅ Tadoba Reserve ។

ទៀតសោត បុរសរូបនេះ បាននិយាយថា នេះគឺជាបទពិសោធន៍ដែលមិនអាចបំភ្លេចបានសម្រាប់រូបគេ ដែលបានចាប់យករូបភាពបានជិតបំផុត ថែមទាំងឃើញរាល់សកម្មភាព របស់ខ្លារខិនខ្មៅដ៏អស្ចារ្យមួយនេះ ដែលបានមើលសម្លឹងជាង៤០ នាទីឯណោះ។

យ៉ាងណាមិញ បុរសរូបនេះ ពិតជាមានសំណាងណាស់ ដែលរូបគេបានឃើញវា ក្នុងរយៈពេល ៤០នាទី ដោយជាទូទៅធម្មតា មនុស្សបានឃើញវាប្រហែលជា ២ ទៅ ៣ នាទី នារដូវក្តៅតែប៉ុណ្ណោះ ដោយសត្វពូជដ៏កម្រនេះ នឹងបង្ហាញឲ្យមនុស្សឃើញ ចេញមកក្រៅ មកផឹកទឹកស្រះ៕

សូមទស្សនារូបខាងក្រោម៖